Skip to main content

Kalaallit isaatitsipput

Danskit 1. divisionianni kalallit assammik arsaattartut sap. ak. naanerani angusarissaarput

Minik Dahl Høegh, HC Fyn aamma Aqqaluk Sørensen, Odder HB klubbimik ajugaanerannut pisooqataapput.

Tallimanngormat unnukkut Odder HB'ip håndboldligamit peersitaanikut HC Midtjylland unammimmatigit Aqqaluk Sørensen arfinilinnik isertitsivoq. Aqqaluk Sørensen minutsini 40-mi Odder HB'mi illersuisutut arsaqataavoq.

- Ajunngitsorujussuarmik ingerlavugut piffissap sivisuup iluani aatsaat taama arsarluartigigunarpunga, Aqqaluk Sørensen oqaluttuarpoq.

Isertitami arfinillit saniatigut arsaqatiminut isertitsinernik kingunilinnik tunniussilluartarpoq.

Unamminerit pingasut siulliit ingerlanneqareerneranni Odder HB arfinilinnik pointeqarluni unammiuaarnermi siuttuugallarpoq.

HC Fyn, Faaborgimi angerlarsimaffimminni ukioq manna unammiuaarfiusumi  siullerpaamik ajugaapput, arfininngornermi Stoholm 33 - 30-mik ajugaagamik, nikinnerani 17 - 11'mik siuaqqallutik.
Minik Dahl Høegh HC Fyn'imi qulingiluanik isertitsigami isaatitsinerpaavoq. HC Fyn unammiuaarnermi pointinik pingasunik pissarsilluni nr. 7'iugallarpoq.

- Oqiliallannaq, sungiusaasoq Jakob Larsen HC Fyn'ip ajugaanerata kingorna oqarpoq.

- Naammagisimaarinnilluta sapaatip akunnerani tulliuttumi sungiusarnerit ingerlateqqissavagut, taamaasilluta tulliani sapaatiuppat Odder HB'mut unamminissatsinnut sungiusarluarsimalluta unammilluarniassagatta. Soorunami Odder HB aamma Aqqaluk ajugaassangatinneqarnerupput, uagulli siuariartornerput ingerlaannassappat qanorluunniit pisoqarsinnaavoq, pissanganassaarli Aqqaluk Sørensen aamma Minik Dahl Høegh akerariillutik unamminissaat isiginnaassallugu.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER