Skip to main content

Puisit amii amerikamiunut

Takornariat 3080 Amerikap avannaaneersut Qaqortumi piniartutut piniarnermillu inuussutissarsiorneq pillugu oqalugiarfigitipput

Ungasissorujussuunngitsukkut umiarsuit takornariartaatit ukioq manna kingullersaat Qaqortumut ukiarpalaartumut pivoq, Pitsi Høegh, Greenland Sagalands/Qaqortoq Tourist Service oqaluttuarpoq.

Seqerngup ullaakkut arfineq-marlunut alakkarnerata kinguninngua umiarsuarsuaq nuivoq, ullaaq taanna silaannareqisoq illullu qaliai kanisimasut. 

Emerald Princess takornarianik 3080-nik Amerikap avannaaneersumik ilaasoqarpoq, 1500 sulisoqarluni, Pitsi Høegh oqaluttuarpoq.

Illoqarfimmi takornarianik sullissisartut Greenland Sagalands tikeraanut assigiinngitsunik aaqqissuussipput soorlu qajartorlutik takutitsisut, kalattoortut, erinarsoqatigiit, oqalugiarneq tivasut aammalu katersortarfimmi atisanik nutaalianik takutitsisoqarpoq kiisalu Great Greenlandimi piniartutut inuussutissarsiuteqarneq pillugu ameikamiunut oqalugiartoqarluni.

- Tikeraartitta oqariartuutigisarput tigulluartorujussuuaat, takornariaqarnermut pisortaq Edda Lyberth nuannaaqisoq naammagisimaarinnittorlu oqaluttuarpoq. 

Qaqortumi Niuernermik ilinniartut takornariartitsillutik ikiuupput, illoqarfimmik ilisarititseqataallutik.

- Suna tamaat isigalugu iluatsilluartorujussuuvoq, sila aamma peqqutaaqataagami - anoreqarani seqinnarissuaq. Illoqarfiup pisiniarfii kaaviiaartitsilluarput tamatuma saniatigut umiarsuarsuup akitsuutinik akiliutai nunatta karsianut 1,6 million koruuninik isertitsissutaapput, Pitsi Høegh unnersiorpoq.  

Emerald Princess, Halifax'imut Canadamiittumut ingerlaqqippoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER