Skip to main content

Koda nipilersortartunik nersornaasiissaaq

Nipilersornerup silarsuaanit nersornaasigassatut piukkussat qulingiluaapput, nersornaasiineq Nuummi oktobarip aappaani Akisuanerit Festival ingerlanneqarneranut atatillugu ingerlanneqassaaq.

Kalaallit Nunaanni Kodap nipilersortartunut nersornaasiuttagaannik kikkut pissarsissanersut oktobarip aappaani paasinarsissaaq. Taama Kalaallit Nunaanni Kodap siulittaasua Juaaka Lyberth tusagassiorfinnut nalunaaruteqarpoq. 

Erinniortut erinarsuusiortullu 2010-mi immiussanik saqqummersitsisimasut akornanni nersornaaserneqartussat toqqarneqarput, nersornaasiinissarlu pissaaq Nuummi Akisuanerit Festival ingerlanneqarneranut atatillugu.

Nersornaatit assigiinngitsut pingasuupput tamarmik 25.000 koruuninik aningaasartallit, nersornaasiinerlu sapaammi oktobarip aappaani nal. 20:30 Katuami tusarnaartitsinermut atatillugu ingerlanneqassaaq, Juaaka Lyberth paasissutissiivoq. Nersornaatit assigiinngitsut pingasuupput piukkussaniillu pingasut nersornaatisissallutik. 

Nersornaatinik tunniussinerup akornatigut aliikkusersuisoqassaaq, nipilersoqatigiit nersornaatisisussatut piukkussat atugaasa ilaat tusarnaarianit tusaaneqarsinnaassapput soorlu nipilersortartut inuusuttut sulilu tusaamasanngunngitsut ilisaritinneqarlutillu tusarnaarneqarsinnaassasut.    

Nersornaatit pingasut tunniunneqartussat tassaapput 1) Ukiumut nersornaat (2010). 2) Piukkunnartumut nersornaat. 3) Ataqqinaammik nersornaat.

Nersornaatini pingasuiusuni atit pingasut piukkussaapput Juaaka Lyberthip kikkuusut aamma nalunaarutigai.

- Kikkut nersornaamik taamalu nersornaatip aningaasartaanik 25.000 koruuninik pissarsissanersut unnuk taanna saqqummiunneqassapput, Juaaka Lyberth oqarpoq. 

Ukiumut nersornaat 

Erinarsuusiortumut imaluunniit nipilersoqatigiinnut ukiumi qaangiuttumi immikkut malunnaateqarsimasumut tunniunneqassaaq.

Piukkunneqartut tassaapput:
1: Rene M. Fleischer, Disko Bay Blues.
2: Jenseeraq Olsen aamma Angutimmarik Petersen, nipilersoqatigiit Uummat.
3: John Geisler Sandgreen, nipilersoqatigiit Sussat.

Piukkunnartumut nersornaat:

Ukiumi piukkunnaateqarluni saqqummersoq nutaaq, tassaasinnaavoq erinarsuusiortoq imaluunniit nipilersoqatigiit:

Piukkunneqartut tassaapput:
1: Juno
2: Qanoor, nipilersoqatigiit Qanoor.
3: Jenseeraq Olsen & Angutimmarik Petersen,  nipilersoqatigiit Uummat.

Ataqqinaammik nersornaat

Ukioq manna ataatsimiititaliap ataqqinaammik nersornaasigassatut toqqagaa tassaassaaq immiussisitsinermik, erinniornermik, festivalinik aaqqissuussinernik, nipilersortitsinermik, siammarterinermik, nipilersornermik erinarsornermilluunniit ilinniartitsinermik imaluunniit nunatsinni nipilersornerup silarsuaani allatulluunniit nutaaliornermik ukiorpanni ingerlatsisimasumut. 

Piukkunneqartut tassaapput:

1: Peter Olsen
2: Titken Jakobsen
3: Karsten Sommer.

 

Nersornaasiinissamut komite:

Nersornaasiinissamut komite makkunannga ilaasortaqarpoq:
Juaaka Lyberth, KODA-p siulittaasua,  (KODA'mit toqqagaq)
Bjarne Olsen, NuukFM, (Kalaallit Nunaanni illoqarfiit tusaataat)
Leif Immanuelsen, Epi, (Eqqumiitsuliortut Kattuffiat)
Hanne Sandvig, INNK, (Kalaallit Nunaanni Nipilersortartut Kattuffiat)
Kaalinnguaq Siegstad, Sorlak, (Meeqqanut inuusuttunullu siunnersuisut)
Dorthe Olsen, Sermitsiaq.ag,  (Tusagassiiviit naqitat)
Kenneth Rasmussen, (KNR radio aamma TV)

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER