Umiartorsinnaaqqaartariaqarpoq

Sapaatip akunnera tamaat Danmarks Radiop nunap immikkoortuaniradioqarfia P4 Nordjylland ullaakkut aallakaatitsinermini Kalaallit Nunaat kalaallillu sammisimavai, kiisalu Jyllandip avannaata nunatsinnut attaveqarnera.

Sorpassuit sammineqarput, kalaallit Danmarkimiittut nikanarnerusuuneranniit kiisamilu eqqartorneqarluni Danmarkimi kalaallit innuttaasut amerlanersaat nunami tassani innuttaasusullu allatuut inuusut. Miael Kunutilu pillugu oqaluttuaq taamaattuuvoq. Sanasutut allagartartaaqqammerpoq.

Mikael Kunut Construction College Aalborgimi sanasunngorniartunit siulliulluni nunani allani praktikkersimavoq. Siullermiilli umiartorsinnaasutut Kalaallit Nunaanni ilaquttamini ilinniarpaa, tamannami pisariaqarpoq. Mikael kingorna ukiuni 12-ni aalisartutut sulivoq sanasutut ilinnialinnginnermini.

Ullumikkut Mikael Kunut sanasutut imminut taasinnaavoq. Ilinniartut 44-t allat peqatigalugit Construction College Aalborgimi sanasutut ilinniarnerminik soraarummeerami angusivoq. Mikaelip immikkoorutigaa ilinniarnermini "nunai allani" sungiusarsimavami, PIU-mik taaneqartartumik.

Mikaelip PIU-mik ingerlatsinera imaappoq Arbejdsgivernes Elevrefusionip nunatsinni Danmarkimilu sulilluni ilinniarfissaminit angalaneri akilersimallugit. Aamma Arbejdsgivernes Elevrefusionip Mikaelip ilinniarnermini akissarsiai akilersimavai.

Sapaatip akunnerani kingullermi Mikael soraarummeernissaminut sukumiisumik piareersarsimavoq. Ullut tamaasa titartaasaroiq pilersaarusiorlunilu, inernerilu nammagilluarlugot, taakkumi hallersuarmi piareersimapput, naliliisussanut piareerlutik.

- Kalaallit Nunaanni Danmarkimilu sanaartorneq assigiinngissuteqaqaat, Mikael oqaluttuarpoq.

- Kalaallit Nunaani silap peqqarniinnerujussuatigut tunngavissat assigiinngillat. Illut qaliai ninngunerujussuusariaqarput, ingammik Kalaallit Nunaata avannaani, oqarpoq.

Mikael kujasinnerusumi najugaqarpoq, ukiunilu 20-30-ni silaannap allanngoriartornera malunnasimaqaaq.

Mikaelip meeraalluni kallerneranik takusimanngisaannarpoq, maannakkulli tamanna arlaneriarluni pisarpoq. Silap allanngoriartornera aamma peqqutigalugu sanaartornermi atortussat taarserneqarsimapput. Maannakkut bølgepladet sisammik sanaajusut atorneqarnerupput, siusinnerusukkut pappialarsuarmik qalialiisqoqartarluni.

Marlunngormat Qaqortumut uteqqissaaq, tassani Inigik Byg A/S-imit sulinissaminut neqeroorfigitissimalluni, ilinniarfigisimasamini. Sulilernissami saniatigut ilaquttani maqaasisani tikissavai.

Mikael marlunnik meeraqarpoq, qatanngutaalu arfineq pingasut 28-nik meeraqarput taassumalu saniatigut illooqqaat 70-it missaanniillutik. Ilaqutariit amerlaqaat, taakkulu tamarmik ilinniakkamik aappaattut umiartorsinnaapput.