Skip to main content

Ammaanersiorluni oqalugiaat oqallsigineqassaaq

Kuupik Kleist suliniutinik nutaanik arlalinnik ilimasaarivoq 

 

Aqagu Inatsisartunut naalakkersuisunullu ilaasortat qaqortunik kalaallisuutillu peerlugit sulilissapput: Marlunngornerup ualikkua tamaat atorneqassaaq naalakkersuisut siulittaasuata Kuupik Kleistip tallimanngormat ammaanersiorluni oqalutigiaataata oqallisiginissaanut, oqalugiarnermini tassani suliniutinik arlalinnik nutaanik inatsisinillu nutaanik ilimasaarilluni.

Kuupik Kleistip nuannaarutigaa ingerlatsiviit namminersortut arlallit selskabillu pisortanit pigineqartut arlallit uuliasiornermik ingerlatsisuni isertitanik nutaanik pilersitsisimanerat. - Inuilli avatangiisillu pingaarnersaapput, taamaattumillu avatangiisinut akisussaaffiup Aatsitassanut Pisortaqarfimmit Pinngortitamut Avatangiisinullu Naalakkersuisoqarfimmut nuunnissaa sulissutigilerparput.

Akileraartarnermut Atugarissaarnermullu Ataatsimiititaliap isumaliutissiissutaa novembarip 10-anni oqaluuserineqassaaq, akileraarutinullu, ineqarnermullu isumaginninnermullu politikkimi inassuteqaatit arlallit sammisaqarfiupput kommunit akisussaaffigisaat. Kuupik Kleist neriorsuivoq kommuninik suleqateqarneq nukittorsarniarlugu, ajornartorsiutinut oqimaatsunut, atatsimiititaliap isumaliutissiissummini "Pigissaarnissarput atugarissaarnissarpullu massakkut iliuuseqarfigineqartariaqarput" sammisaanut, aaqqiissutissat atasinnaasut qulakkeerniarlugit.

Kuupik Kleistip nuannaarutigaa selskabit pisortanit pigineqartut arlallit 2010-mi sinneqartooruteqarsimammata, tamannalu maluginiagassatut isigaa, pissutigalugu ukioq taanna ingerlatsivinnik mikinernik akiliisinnaajunnaartoqartarsimammat. Naalakkersuisut aamma selskabinut pisortanit pigineqartunut piginnittuunermut pissutsit nassuiaateqarfigissavaat.

2009-mi juunimit naalakkersuisooqatigiinnermut isumaqatigiissut immikkoortortaqarpoq kalaallit nerisassanik imminnut pilersulernissaannik, naalakkersuisullu nerisassanut nersutinullu inatsiseqarfiup tamarmiusup naalagaaffimmit tiguneqarnissaanut isumaqatigiinniarnissanut piareersarnertik nangippaat.

Naalakkersuisunut suliffissaaleqineq ullumikkut ajornartorsiutit annersaraat, Kuupik Kleistillu suliffissaaleqineq akiornialerpaa. Tamanna peqatigalugu sulisartoqarnermi malittarisassat naalakkersuisut nalilersorniarpaat, inatsisip oqaasertai iliuuseqarnissamullu pilersaarutit piviusut eqaatsumik anguniagalimmillu peqatigiinnissaat pilersinniarlugu. Aamma nunat allamiunut oqartussaaffiup tigunissaanik Naalakkersusut naalagaaffik isumaqatigiinniarfigerusuppaat, nunatsinni sanaartugassarujussuit, ilaatigut aatsitassarsiornerup aluminiumillu aatsitsiviup iluanni, eqqarsaatigalugit.

Ukiakkut ataatsimiinnermi assortuussutissarsuit ilagissavaat naalakkersuiut aalisarnermut inatsisissatut siunnersuutaat nutaaq, arlaleriarluni saqqummiunneqassamaareerluni oktobarip 12-ianni saqqummiunneqartussaq. Inatsisissatut siunnersuutikkut sineriammut qanittumi aalisariutit pisariaqartumik nutarternissaasa avataanit aningaasaliiffigineqarsinnaanerat ajornannginnerulissaaq.

 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER