Skip to main content

Inuusuttut amerliartortut kissarsertarfinnittalerput

Inuusuttut ilinniagaqanngitsut suliffeqanngitsullu amerliartuinnartut nunami kissassertarfinnut ornittakkanullu takkuttalerput 

Inuunertik aallarteruttulersimassagaluarpaat, unitooreersimallutilli.

Inuusuttut 18 aamma 25 akornanni ukiullit amerligaluttuinnartut ornittakkanut kissassertarfinnullu neriartortalerput isumassorneqariartortalerlutillu - pingaartumik qaammatip naalernerani aningaasaataaruffimmi.

Taamatut oqaluttuarput nunami isumaginninnermik ingerlatsiviit arlallit, Kristeligt Dagblad allappoq.

- Illoqarfiit pingaarnersaata avataani illoqarfinni angisuuni akunnattumillu angissusilinni inuusuttut amerligaluttuinnartut kissassertarfinnut takkuttalersut malugaarput. Amerliartuinnarput uninngaannartut 18-iinnarnillu ukioqarlutik kissassertarfinnik atuisalersut, Kirkens Korshær-ip pisortaa Helle Christiansen oqarpoq.

 

Sønderborg Vejlelu illoqarfiit ilagaat korhærip kissassertarfii inuusuttunit amerligaluttuinnartunit orninneqartalersut. Ingerlatsivik malillugu inuusuttut ilinniagqanngillat, praktikerfeqanngillat suliffeqaratillu - inuusuttullu ilaat atornerluisuullutik.

- Ukiut marlussuinnaat matuma siornatigut taama inuusutsigisunik takunngisaannarsimavugut, maannali atuisartutta tallimararterutigilersimavaat, pingaartumik qaammatip naalernerani, Vejlemi korshærimi pisortqq Jens Lundsgaard oqarpoq.

Arbejderbevægelsens Erhvervsråd malillugu ernumassuteqarneq tunngavissaqarluarpoq. Septembarimut kisitisit nutaat takutippaat inuusuttut suliffissaaleqisut 15-29-inik ukiullit 12,7 procentinut amerleriarsimasut, Danmarkimilu inuusuttut 60.000-t sinneqartut piitsutut taaneqarput.

Sulisartoqarnermik ilisimatooq Flemming ibsen, Aalborg Universitetimeersoq, malillugu inuusuttut kissassertarfimmiittut inuiaqatigiit ataavartumik atugarilersinnaavaat:
- Nutaamik avissaartuussineq piitsullu nutaat misigaavut, OECD-p piitsuussutsimut killissarititaa malillugu amerlasuunik nutaanik piitsoqalersimalluta. Taamatut ingerlaannassagutta inuusuttut amerlanerusut imminut pilersornissamik ajornartorsiulissapput, piffissami sivisuumi suliffissaaleqissapput inuiaqatigiinnilu atugarliortunngussallutik, taanna oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER