Skip to main content

Nakorsaq atoqateqarnikkut pineqaatissinneqarsimasoq soraarsitaanerminut taarsiivigineqassanngilaq

Region Nordjyllandip nakorsamik soraarsitsinera pissusissamisoorpoq, paasineqarsimammat meeqqanik atoqateqartarsimasutut pineqaatissinneqarsimasoq 

Nakorsaq Sjællandimeersoq 2008-mi pineqaatissinneqarsimavoq meeqqamik kinguaassiutaasigut innarliisimanini peqqutigalugu, Nordjyllandimiillu soraarsitaanerminut taarsiivigitissinnaanngilaq, paasineqarmat meeqqanik atornerluinerminut pineqaatissinneqarsimasoq. Nakorsaq 2009-mi nunatsinni atorfinitsinneqarpoq. 

Vestre Landsretimi Aalborgip eqqartuussiviani pineqaatissiineq naqissuserneqaqqammerpoq, taamaalilluni nunap immikkoortua 445.000 koruuninik taarsiinnissamut pinngitsuutinneqarluni. 
Juunip 28-ani 2009-mi nakorsaq parnaarussivimmiit iperagaavoq aqaguanilu Limfjordenimi illoqarfeeqqami Moumi nakorsatut atorfeqarnissaminut isumaqatigiissut atsiorlugu. 

Piffissami aalajangersimasumi taartaasutut sulinissaminut isumaqatigiissuteqarmat nunap immikkoortuani meeqqanik atornerluisimannginnermut pillagaasimannginnermulluunniit uppernarsaammik piumaffigineqarsimanngilaq, aammalu nammineerliuni meeqqanik atornerluisimanerminut pineqaatissinneqarsimanini eqqaanngilaa. 

Aamma eqqaasimanngilaa marloriarluni Region Sjællandimi nakorsatut sulinerminiit soraarsitaasimanini pineqaatissinneqarsimanermut tunngaveqartumik. 

Region Nordjyllandimi sapaatip akunnera ingerlareersoq sulisoqarnermut immikkoortortamit paasineqarpoq kinguaasiutitigut innarliinerminut piumasaqaatitaqanngitsumik parnaarussassatut pineqaatissinneqarsimasoq taamaattorli nakorsatut sulisinnaanerminut akuersissummik arsaarneqarsimanani. 

Nunap immikkoortuani nalilerneqarpoq pineqaatissiineq nunap immikkoortuani nakorsaqarniarnerup pitsaassusaanik kingunipiloqarsinnaasoq isumaqatigiissullu atorunnaarsinneqarluni.  

445.853 koruuninik piumasaqarpoq tassalu suliunnaarnissamut nalinginnaasumik qaammammi ataatsimi akissarsiassatut illuni. 

En ørinnguamilluuniili pissarsinavianngilaq.

Illoqarfimmi nunalu tamakkerlugu eqqartuussivinni nunap immikkoortua isumaqatigineqarpoq pineqaatissinneqarsimanerminik nipangiussisimasoq, atorfininnissamullu isumaqatigiinniarnerit pisimasut parnaarussivimmiit aneersinnaanerata nalaani.

Nammineq takusinnaasimasariaqaraluarpaa eqqaamiuni panianut ukiukitsumut kinguaasiutaasigut innarliinerminut pineqaatissinneqarnerminut paasissutissat nunap immikkoortuanut pingaaruteqartut, nammineerlunilu pissutsit taamaattut nalunaarutiginissaannut pisussaaffeqarluni. 

Nunap immikkoortuaniit pillaatisisimannginnermut uppernarsaammik piumasaqartoqarsimannginnera apeqqutaanngilaq, imaluunniit Danmarkimi peqqinnissamut aqutsisoqarfimmiit nakorsatut sulisinnaanermut allagartap atorunnaarsinniarneqarsimannginnera, nunap eqqartuussisuisa nalilerpaat. 

Suliamut aningaasartuutit katillugit 75.000 koruunit nakorsap aamma nunap immikkoortuanut akilissavai. 

2009-mi aggustimi nunatsinni nakorsatut atorfinippoq. 

/ritzau/

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER