Skip to main content

Helle Thorning ima ministeriuninngussaaq

Dronningip naalakkersuisussarsiortitsinissaani Helle Thorning ministeriuninngussaaq. Naalakkersuisulli qanoq ittut pilersinneqassanersut nalorninarpoq 

Ministeriunerup Lars Løkke Rasmussenip (V) tallimanngorpat nalunaaqutaq aqqanernut dronning Margrethemut soraarniutini tunniuppagu naalakkersuinermik suliallit nutaanik naalakkersuisunngortitsiniarnissaq pilersaarusiussavaat. 

Ullup qeqqanut partiit siuttui Publicistklubbemi pisarnertut ippassaammagu pisunik oqallittussaammata iligaineqarpoq Amalienborgiliaqquneqarnerat aatsaat ualikkut pissasoq.

Partiinit tamanit aallartitat marluk paarlakaajaallutik dronningi nalunaarfigissavaat naalakkersuisunngortitsiniartussatut kina piukkunnerlugu imaluunniit kina ministeriuninngussanersoq. 

Siunnersuutitik allaganngorlugit tunniutissavaat oqaatigalugillu, dronningimillu ataatsimeeqateqarnerat minutsialuinnarnik sivisussuseqassaaq.

Taassuma kingorna dronningi marlunnik iluuseqarsinnaavoq:

Qinerneqartuni qinigaaperpaaq isumaqatigiinniartussatut toqqarsinnaavaat, taannalu kunngip misissuititaatut taaneqartarpoq, imaluunnit inuk aalajangersimavoq nammineq ministeriulluni naalakkersuisunik nutaanik pilersitsiniartussaq toqqarlugu. 

Dronningi kunngip misissuititaanik toqqaassappat inuk toqqarneqartoq amerlanerussuteqartunik tuniliaqutaqartuussaaq naalakkersuisunngortitsinnaasunik, imaluunniit qulakkeerlugu amerlanerusunik illuatungiliuttoqannginnissaa. 

Tamanna iluatsissappat kunngip misissuititaa Amalienborgiliaqqissaaq naalakkersuisunngortitsiniarnissarlu suliaralugu. 

Qinikkat 89-it Enhedslisten, SF, De Radikale aamma Socialdemokratit  kingullertut taaneqartuni siulittaasoq Helle Thorning-Schmidt ministeriuninngortussatut toqqarpaat.
Saamerliillu Savalimmiuniit ataatsimit Kalaallillu Nunaanniit marlunnit tapersersorneqartussaammata taamaalillunilu qinikkat 90-t sinneqartut anguneqarluni, Helle Thorning-Schmidt Danmarkimi arnani siullersaalluni ministeriuninngussanngippat ajorluinnartumik pisoqarsimassaaq. 

Sivisuumilli saqitsaattoqarsinnaassaaq Socialdemokratit, SF Radikalillu piffissami aggersumi isumaqatigiinnialerpata naalakkersuisunngortitsinermi tunngavissat aalajangersarlugit. Imaassinnaavoq S-SF-ilu naalakkersuisunngortitsisut. 

- Qangaaniilli taamatut sulineq sivisusinnaasarpoq, piffissarlu pisariaqartitarput atussavarput, Helle Thorning-Schmidt oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER