Skip to main content

Ullumi ukiakkut ataatsimiinneq aallartissaaq

Inatsisartuni ataatsimiinneri novembarip 15-ani naammassineqassapput 2012-mi aningaasanut inatsisissap akuersissutigineqarneranik naggaserneqassallutik 

 

Ippassaq Folketingimut qinersineq suliluunniit naammasserpianngitsoq allagartarsuillu suli piiarneqanngitsut Inatsisartut ukiaanerani ataatsimiinnerat nalunaaqutaq 11.00 aallartissaaq. 

Ukiaanerani ataatsimiinnermi aamma inatsisartoqarnikkutn ukiup aallartinnera malunnartinneqassaaq, pisarnerlu malillugu Hans Egedep illuaniit Annaassisitta Oqaluffianut ingerlaaqatigiittoqassaaq. Ingerlaaqatigiinnermi Inatsiartut siulittaasuanit Josef Motzfeldtimit naalakkersuisullu siulittaasuarnit siuttuuffigineqartumi aamma Folketingimut qineqqusaartut arlaqartut peqataassapput: Siumumiit Doris Jakobsen aamma Akitsinnguaq, Demokraatiniit  Niels Thomsen aamma Atassummiit Knud Kristiansen qineqqusaarnermi naatsumi pikkonartumilu peqataaqqammernermikkut pissatsissimaartut. 

Inatsisartut, naalakkersuisut aamma qullersaqarfimmi atorfilittani pisortat nunatsinni oqaluffiit pingaarnersaani naalagiaqataassapput radiukkut toqqaannartumik aallakaatinneqartumi, tassani domprovst Isak Davidsen naalagiartitsissalluni.  

Nalunaaqutaq 11.00 sivisunerpaamik Inatsisartuni ilaasortaasup Josef Motzfeldtip Inuit Ataqatigiinnersup ukiaanerani ataatsimiinneq aallartissavaa, suliassarlu siulleq tassaassaaq siulittaasoqarfimmi ilaasortassanik tallimanik toqqaaneq. Josef Motzfeldt sivisunerpaamik Inatsisartuniiginnarani aamma juunip 2-ani 2009-mi Inatsisartunut qinersinerup kingorna Inatsisartunut siulittaasuuvoq. Nalunaaqutaq aqqarnup tungaanut siulittaasoqarfimmiittuupput siulittaasup tullia siulleq Per Berthelsen, Siumut, siulittaasup tulliata aappaa Olga P. Berthelsen, Inuit Ataqatigiit, siulittaasup tulliata pingajuat Finn Karlsen, Siumut, aamma siulittaasut tulliata sisamaat Justus Hansen, Demokraatit.

Josef Motzfeldtip qinigaaqqinnissaa ilimanarpoq, taamaalilluni ukiaanerani Inatsisartut ataatsimiinneranni ulluni 23-ani ingerlanneqartussami oqaluuserisassat saqqummiutissallugit. Ataatsimiinneq sapaatip akunnerani 44-mi unitsiassaaq Nunat Avannarliit ataatsimeersuarnerannut atatillugu, ataatsimmiinnerillu novembarip 15-ani naammassineqassapput 2012-mi aningaasanut inatsisissap akuersissutigineqarnerani Upernaakkut Ukiaaneranilu 2012-mi piffissaliinerit saqqummiunneqarlutik. 

Ammaanersiornermi oqaluuserisassani kingullertut naalakkersuisut siulittaasuat Kuupik Kleist oqalugiassaaq, ullormilu ataatsimiiffissami tullermi marlunngornermi septembarip 20-ani ammaanersiorluni oqalugiaat oqaluuserineqassalluni. Ammaanersiorluni oqalugiaammi aamma sammineqassapput Assartuussinermi Isumalaioqatigiissitup akileraarnermullu isumalioqatigiissitap suliniutissatut siunnersuutai eqqartorneqassapput, taakku upernaaq isumlaiutersuutinik nunatsinnut sunniuteqartussat saqqummiuppaat. 


 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER