Skip to main content

Qinersineq qalipaasersuinertaqanngitsoq

Rigsombudsmandip malittarisassat malinneqarnissaat isumagaa: Qinersivinni qineqqusaarutinik allagarsiisoqassanngilaq 

 

Nuummi qinersineq nal. 09.00 Nuup katersortarfiani ammarneqarmat inussiarnisaarrapput.

Qinersisartut ilaasa qinigassanngortittut ilaat ingiaqatigalugit qinersiartorput, kiisalu qinersinermik aaqqissuisut qinersineq katersortarfitoqqami ingerlanneqartussanngorteqqissimavaat, ukiuni arlalinni timersortarfissuarmi Inussivimmi ingerlanneqartareersoq. Inikinnerugaluarpoq, katersortarfimmili silaannaq tiguartisimanarneruvoq, qinersisoqarneranilu aatsaat aalajangersimasumik isertarfeqarlunilu anisarfeqartinneqarmat, qinersineq sukkasuumik akunnattoorfeqanngitsumik ingerlanneqarpoq.

Taamaakkaluartoq arlaannik amigaataapput: Katersortarfik qanga qinersisoqaraangat qineqqusaarutinik qalipaatigissaartunik nipitissorneqartaqisoq, qinersiviullu eqqannguani partiit nerrivilersorlutik qineqqusaarutinik, pullattakkanik kaffimillu neqeroorfigisartagaat peqanngillat. Siumut Kalaallit Nunaanni pølseerniartarfiit ulamernersaata eqqaani tupeeqqamik nappaasimavoq Inuit Ataqatigiillu containerertik Kalistiinaaqqap oqaluffiullu akornannut inississimavaat. 

Malittarisassat malissigit

Kalaallit Nunaanni apriilip aallaqqaataani rigsombudsmanditut atorfinittup, Mikaela Engell-ip qinersineq qalipaatigissaarfiujunnaartippaa.

– Rigsombudeqarfiup aalajangernikuuaa, maannakkut qinersinermi kiisami malittarisassat naapertorlugit ingerlatsisoqassasoq, Mikaele Engell sermitsiaq.ag-mut nassuiaavoq.

Kalaallit Nunaanni folketingimut qinersisarneq pillugu inatsimmut atatillugu nalunaarummi nr. 255-imi 1999-imi apriilip 28-anneersumi § 39, imm. 3-mi allassimavoq, kommunalbestyrelsip qinersinermut akisussaasuusup qulakkiissagaa, qinersisartut qinersisarfimmi imaluunniit qinersivimmut atuumasumi sunnerniarneqannginnissaat. 

Kommuneqarfik Sermersuup Rigsombudeqarfimmiit nalunaarut paatsoorneqarsinnaanngitsoq imatut paasisimavaa, »Qinersiviup qineqqusaarutinik allagartalersorneqarnera allagartarsualersorneqarneralu, nalinginnaasumik qinersinermi arlaannaannulluunniit sunnerniarneqannginnissamut tunngaviusumik qinersisartut piginnaatitaaffiannut atatillugu naapertuutinngitsoq«.

Kommunimiit aamma paasinninneq naapertorlugu, qinersiviup eqqannguani qineqqusaarutinik isisiisoqassanngitsoq. Nuummi katersortarfik illoqarfiup qeqqani illoqannginnersami inissisimavoq, "taamaammat katersortarfimmut eqqaanulluunniit qineqqusaarutit nipitinneqartut, qinersiartortut sumit tamaanngaanniit takkusuuttarmata, sunniiniutitut isigineqartariaqarput" .

– Partiit malittarisassanik suli paasissutissinneqanngitsut, qinigassanngortittu ilaat katersortarfimmut qineqqusaarutiminnik nipititerereersimangaluarput, tamakkuali eqqissisimasumik piiarneqarput, Nuummi qinersinermut akisussaasoq, William Kriegel, sermitsiaq.ag-mut oqarpoq.

Taamaammat ullaaq katersortarfimmut allagartaq ataasiinnaq nivinngarneqarsimavoq, tassalu Kalaallit Nunaanni kulturip illorsuani nipilersornissamut ussassaarut, Kalaallit Nunaannilu folketingimut qinersinermi taamatut qinersivimmi allagarsiisinnaaneq inerteqqutaanngilaq.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER