Oqallisissiaq: Inuiaqatigiit aalajangigaaannik ataqqinninnginneq
Folketingimut qineqqusaartup Demokraatineersup Niels Thomsen-ip IA aamma Siumut namminersulerneq pillugu isumaqatigiisummik, kalaallit sisamaagaangata pingasut akuersaagaannnik qimarratiginninniarnerarpai
IA-p Siumullu kalaallinik inuiaqatigiinnik ataqqinninnnginnerminnik takutitsinerat pakatsinalaanngitsuunngilaq. Namminersorneq pillug inattsit kalaallit sisamaagaangata pingasut akuersaarnikuugaat Demokraatit eqqaasitsisutigerusuppaat. Maannakkullu ukiut pingasulluunniit qaangiutinngitsut Nunatsinni partiit angisuut marluk isumaqatigiissummik qimarratigiinniniarsarilerput.
Demokraatit partiianni nalinginnaasumik siumut isiginiartaraluarpugut. Ilaannikkulli isummerneq tunngavilersorniarlugu oqaluttuarisaanermi pisimasut qiviartariaqartarput.
2008-mi ukiakkut uagut parteerput inuiaqatigiit namminersorneq pillugu inatsimmut naaggaarnissaannik innersuuteqarpoq. Imaanngitsoq Namminersorneq akerlerigatsigu, isumaqatigiissulli naapertorlugu aningaasatigut iluaagisaqarnerput pisutigalugu. Taamani tunngavilersuutigisatta ilagaat, isumaqatigiissut naapertorlugu ukiumut Danmarkimiit tapiissutaasartut nalikilliartuinnartussaanerat, Danmarkimiillu akisussaaffinnik tigusigaangatta aningaasanik malitseqassaarnissaat.
Partiit angertut IA aamma Siumut saarliullutik neriuutissaarutitwiniaasutut oqaatiginiarpaatigut. Maannakkut ukiut pingasuunngitsulluunniit qaangiutiinnartut, partiit taakkua marluk peqqissimerpalulereerput. IA tassanngaannaq isumaqalerpoq, namminersorneq pillugu inatsit isumaqatigiinniutigeqqikkusulerpaat, ukiumut tapiissutaasartut allatut naatsorsorneqartarnissaat anguniarlugu. Massa Siumut isumaqartoq, akisussaaffinnik Danmarkimiit Nunatsinnut nuussigaangatta tamatigut aningaasanik malitseqartassasut. Taamaaliortoqassappat aamma isumaqatiginniniartoqaqqaartariaqassaaq.
Ilumut; sooruna?
Inuiaqatigiinni amerlanerussuteqarluartut Ilissi innersuutisi naalallugit Namminersornermut inatsit maanna atuuttoq akuersaarmassut,sooq ataqqerusunngilisiuk?
Qinersisartut Namminersorneq pillugu inatsimmut angertinniarsarinikuusassinnik ataqqinninngippallaartusi, Demokraatit isumaqarput.
Amerlanerussuteqartut innersuutigisasi malippaat. Ilumoorlusi isumaqarpisi uagut innersuutivut malissimassangaluaraat?
Una qularineqassanngilaq; Namminersorneq pillugu inatsit Demokraatit isumaqatigiinniutiginissaanut peqataarusunngillat. Inuiaqatigiinni annertuumik amerlanerussuteqartut siumaqarput isumaqatigiissut Kalaallit Nunaannut ajunngitsuusoq ataqqinninnermillu takutitsisoq.
Tamanna Demokraatit ataqqivaat, isumaqatigiissutaasunillu Danmarkip unioqqutitsiniannginnissaa sorsuutigerusullutigu, iluarnerpaamik pissarsiffiginissaa anguniartuassallugu.