Skip to main content

Politiit qujapput

Qeqqata Politeeqarfiata kikkut tamaasa qutsavigerusuppai Emil Joelsenimik ujaasinermut atatillugu paasissutissanik ikiuussimasut, politikommissær Johan Davidsen tusagassiorfinnut nalunaarutikkut allappoq.

- Politiit Kangilinnguanilu Sakkutooqarfiup minnerunngitsumillu ujaasiffimmi piniartut suleqatigiilluarnerisigut politiit Emil arfininngornermi septembarip 10-anni 2011 nal. 1245 ajunngitsoq nassaaraat.

Tamatumunnga atatillugu inuit tamaasa piniariarniartut Johan Davidsenip eqqaasippai angerlarsimaffimminnut oqaatigisaqqullugu sumut piniariassamaarnerlutik.

- Pingaaruteqartorujussuuvoq atortunik nassarnissaq ajutuulernermi piniartumut ikiuutaasinnaasunik, taanna erseqqissaavoq.

Taamaattumik Johan Davidsenip kikkut tamaasa piniariarniat kajumissaarpai atortunik makkuninnga nassartaqqullugit:

·         GPS

·         VHF-radio angallattagaq

·         Satellit telefon

·         Telefoni angallattagaq

·         Satellitikkut aallakaatitsissut

ikiueqqaarnermi atortut nalinginnaasut saniatigut.

- Atortut pineqartut arlaat nassarukku taava ikiuiartortut sukkasuumik tikissinnaavaatsit imaluunniit nammineq aqqutissat nassaarisinnaavat, Johan Davidsen, Region MIdt, Sisimiut, oqarpoq.

 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER