Skip to main content

Maniitsoq efterskole inini attartukkani aallartippoq

Maniitsumi efterskolip kinguaattorneranut Aningaasaqarnermut Ataatsimiititaliaq pisuunngilaq, Aningaasaqarnermut Ataatsimiititaliami siulittaasoq Olga P. Berthelsen oqarpoq

Maniitsumi efterskole inini attartukkani aallartittariaqarppoq. Init sanaartornerisa kingusippallaakkut aallartissimanerat atualerfissaq nallermat naammassineqarsimannginnerannut tamanna pissutaavoq. Kinguartoornermut kina pisuunersoq maanna assortuussutigineqalerpoq. Ilisimasat naapertorlugit, 2012-imi apriilimi aatsaat atuarfiup piareersarneqarnerata naammassineqarnissaa naatsorsuutigineqarsinnaavoq.   

 

Pingasunngornermi ulloq 7. september 2011 Qanorooq Maniitsumi efterskole pillugu ilanngussaqarpoq. Ilanngussami atuarfik aatsaat aappaagu apriilip missaani naammassivissasoq oqaatigineqarpoq.

Ilanngussami oqaatigineqarpoq suliassap taamatut kinguaattornera naalakkersuinikkut akuersisartut pisuussutigigaat, atuarfiup allilerneqarnissaanut Aningaasaqarnermut Ataat-simiititaliaq aasanerani sulinngiffeqarnerup siuninngua aatsaat aningaasaliissuteqarmat.

Ulloq 22. juni 2011 nal. 9.15 ullaakkut Maniitsumi Efterskolip annertusineqarnissaanut aningaasaliissutinik qinnuteqaammik Aningaasaqarnermut Ataatsimiititaliaq tigusaqarpoq. Ataatsimiititaliaq ulloq taannarpiaq nal. 14 ileqquusumik ataatsimiippoq, qinnuteqaalli tuaviortutut nalunaarneqarsimanngimmat aningaasaliissuteqarnissamik suliassat eqqarsaatigalugit nalinginnaasumik sapaatip akunneranik ataatsimik siumut tunniussereersimanissamik nalinginnaasumik piumasaqaataasup sanioqqunneqarnissaa tunngavissaqartinneqarsimanngilaq. Tunniussereersimanissamut piumasaqaat taanna ukiorpassuarni atuutereersoq aalajangersarneqarsimavoq, ataatsimiititaliamut ilaasortat Naalakkersuisut qinnuteqaataasa amerlanertigut aningaasaqarniarnikkut annertuumik sunniuteqartussat sukumiisumik misissuisinnaanissaat taamatullu aamma suliarilluakkamik isumaliutigilluakkamillu tunngavilimmik aalajangiisinnaanissaat qularnaarniarlugu.

Ataatsimiititaliap tamatuma kingorna ulloq 30. juni ataatsimiinnermini qinnuteqaat oqaluuseraa, ullorlu taanna Naalakkersuisut qinnuteqaataanik ataatsimiititaliap akuersineranik nalunaarut ingerlatinneqarpoq.

Taamaalilluni ilumoorpoq Aningaasaqarnermut Ataatsimiititaliaq aatsaat suliassamut ani-ngaasaliissuteqarmat aasaanerani sulinngiffeqarneq aallartingajalivissoq, tamannali taamaallaat pissuteqarpoq, Ataatsimiititaliap aningaasaliissuteqarnissamik qinnuteqaatit suliarisinnaasanngimmagit, Naalakkersuisunit nassiunneqarsimatinnagit. Taamaalilluni suliassamik Aningaasaqarnermut Ataatsimiititaliap suliarinninnera Maniitsumi efterskolip allilerneqarnissaata kinguaattorfiuneranut sunnguamilluunniit pingaaruteqartutut isigineqarsinnaagunanngitsutut, Olga P. Berthelsen-ip nalilerpaa.

 

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER