Skip to main content

Qeqqussat pillugit ilisimasaqarnerulernissaq

Qeqqussat assigiinngitsorpassuartigut atorneqarsinnaammata, imaani naasoq peqqinnartoq taanna pillugu ilisimasat katersorneqarput, Anne-Sofie Hardenberg taamatu isumaqarpoq

Qeqqussat aalisakkanut assigiinngitsunut akugisarneri kalaallit ilaqutariit qangaaniit ileqqoraat.  

- Assigiinngitsorpassuarnik qeqquaqarmat kalaallit tamakkununnga ilisimasaat katersorusuppakka, Anne-Sofie Hardenberg oqarpoq. Taanna Nunat avannarliit qeqqussat pillugit ataatsimiinnerannut peqatasareerluni Nuummut uteqqammerpoq. Ataatsimiinneq "Ny Nordisk Mad"-imit aaqqissorneqarsimavoq.

- Qeqqussat peqqinnartuupput. Qeqqussat sorpassuarnut atorneqarsinnaapput, Nunatsinnilu qeqqussanik ulikkaarpoq, Anne-Sofie Hardenberg, qeqqussanik Nunatsinneersunik kissiliat naapeqatigiinnermi sassaalliisoq, oqarpoq.

”Qeqqussat atorluarnerullugit”, nunani avannarlerni nunanit arfinilinnit ataatsimeeqataasut 18-it København-imi naapikkamik qulequtaraat. Peqataasut kattullutik nunani avannarlerni nerisassiortartut qeqqussanik atuinerulernissaannut pilersaarusioqatigiipput, Sulili tamanna aningaasaliiffigineqanngilaq.  

Den Nordatlantiske Brygge-mi ataatsimiinnermi aaqqissueqataasoq, Janet Frida Johannesen, Savalimmiuneersoq oqaluttuarpoq, ataatsimiinneq pissanganarlunilu pissarsiffigilluarneqarsimasoq, naak ilisimasanik katersuinissaq suli aningaasaliiffigineqanngikkaluartoq. 

- Maannakkut aatsaat ataatsimiinneq naliliiffiginialerparput, ilisimasallu katersornissaannut aningaasaliisoqartariaqarnissaa ilimanarpoq, siunissami tunisassiarilluarneqarsinnaammat, Janet Frida Johannesen Sermitsiaq.AG-mut oqarpoq.

- Iggarissutsialaat, qeqqussanik naatitsisartut, ilisimatuussutsikkut paasiniaasartut, sanaartuisartut, tunisasiortut kiisalu suliariniakkanik pilersaarusiortartut, nerisassaq atorluarneqanngitsoq pillugu immikkut sammisaqarput, peqataasut nunat avannarliit: Danmark aamma Sverige, Norge-p sineriaa, kiisalu Savalimmiut Kalaallit Nunaatalu imartaat minguitsut ilimaaraat. 

- Nerisassiaasinnaasut nutaat peqqinnartullu ineritissinnaanerinut periarfissat paasissutissiissutigineqarnissaat tamanit siunertarineqarpoq - inunnut assigiinngitsorpassuarnut nuannaarutigisassanngorlugu kiisalu nerisassiassat nunanit avannarlerneersut siuarsaaffigineqarnissaat nunanilu avannarlerni imaaniittunik nerisassanik tunisassiornerup siuarsarnissaa siunnertaasoq, ataatsimeeqataasut nalunaarutigaat. 

Qeqqussat immikkoorluinnartumik periarfissiinerat ataatsimiinnermi eqqartorneqarpoq. Qeqqussat nunanit avannarlerneersut piumaneqariartuinnarnerat paasissutigineqarpoq. Nunanilu avannarlerni sutorniartarfiit amerliartuinnartut qeqqussat akugisalerpaat. 
Europap avannaani qeqqussanik naatitsisartoq siulleq Danmark-imiittoq nioqquteqarnissaminut piareerpoq, Islandimi arlalinnik mikisunik qeqquanik tunisassiorfeqarpoq. Kalaallit Nunaanni Savalimmiunilu naatitsisarnissaq tunisasiornissarlu pilersaarutigineqarput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER