Troels Kløvedal Katuami

Itinerusumik ilisaritinnissaa pisariaqarpianngilaq, Troels Kløvedal, angallatip naalagaa atuakkiortullu TV-kkut aallakaatitassiani tiguartinnartut, atuakkiani oqaluttuanilu pillugit Nunatsinni ilisarisimaneqarluartoq. Angallatip naalagaa angalatooqw septembarip pingajuanni Katuami oqalugiassaaq.

Troels Kløvedal-ipoqalugiarnermini Power Point atorlugu takutitsisassaaq, ukiunimi 25-ni kingullerni filmiliani 30-t tamaasa digital-inngortissimavai. Taamaalilluni imarpissuarni Norkaperen-imik angalanerminik oqaluttuartilluni assitalersorsinnaavai, oqaluttuat piviusorpalaarnerutilerlugit.

Angallammi oqaluttuassartaa siullermik oqaluttuarissavaa, 60-ikkunnilu allarluinnarmik inuuneqarnissaminut periarfissaqaraluarluni, maannakkut nalunngisatsitut inuuneqalersimanini.

Kultuurit qeqertallu naalagaaffeqarfiit, avataannarsuaniittut, nammineq angallasiorluni umiartunngikkaanni ornitassaarpianngitsut, Påskip qeqertaa, Tuamuto atollit Tahiti-p avannaata kangisinnerusortaaniittut kiisalu Micronesiami umiinikunut aqqarluni pissanganartumik misigisaqarneq.

Nunarsuarput pingajussaannik kaajallallugulu aatsaat, ukiorpassuarni iluatsittarsimanngisani Kina-mi inuunermini puigugassaringisaminik misigisaqarfigalugu angalaneq iluatsippaa, qallunaat paasisassarsiortartut oqaluttuassartaannut ilanngutassiilluni. 1949-mili amerikamiut kuussuaq Yangtze nakkutigisariunnaarmassulli kunngiitsuuffiup Kina-p oqaluttuassartaani siullersaalluni, qoororsuaq tusaamasaq Three Gorges, qoororsuarmut Grand Canyon-imut assersuunneqartartoq aqqutigalugu 4.000 kilometeritut isorartutigisoq majoorfigaa.

Nordkaperen-imik kuussuakkut timaanukartillutik oqaluttuarisaanermi sanaartorniakkat annersaasa ilaat, immap nukinganik nukissiorfissuup sapussuisa sananeqarnerisigut, kuussuup imaa 178 meterinik qaffartussaammat, illoqarferujussuit toqqavii nunarujussuarlu qarsunneqartussaapput, siunissami Kina-mi nukissiamik pisariaqartinneqartumik pilersitsisinnaanngortussaq, siunissamilu Yangtze-mi qarsutsinersuarnik pinngitsoortitsisinnaasoq, aammali sorsunneqalissangaluarpat nunaluunniit sajulissangaluarpat Kina-mik sunnerneqajasunngortitsisussaq.

Angalaneq Hong Kong-imi aallartippoq Sapanngat kuussuatigut Canton-imut ingerlaqqilluni, oqalugiarnerminilu Troels Kløvedal-ip oqaluttuarissavaa qallunaat umiartortut ukiuni 250-ini Kina-p sineriaani oqaluttuassartaat. Umiarsuit Åbenrå-minngaanneersuunerusut sineriak angallavigiuminaaqisoq angallavigisimavaat amerlaqisullu umiusarsimallutik. 1800-kkunni qallunaaq aallartitsisarsimasut annersaat, tunisassiorfiutilik C. F. Tietgen kiisalu Store Nordiske Telegrafselskab-ip Kina-mut atassuteqarsimanera, suliffeqarfiup ingrerlaannarnisssaanut pingaaruteqarsimaqisosq.

Kina-mi innuttaasut imminnut sorsuunnerat peqqarnniitsoq aattaqaqisorlu kiisalu sorsunnersuup kingulliup ingerlanerani japanimiut tiguaaqqaneranni pisimasut peqqarneeqisut eqqaanagit, Kina-mi angalasoqarsinnaanngilaq.