Skip to main content

Vittus misilittagaqarami qinigassanngortippoq

- Danmarkimi ukiorpassuarni nunanut allanut isumannaallisaanermullu Kalaallit Nunaata sunniutai qaqilissamaarpakka. Danmarkimi inuussutissarsiornikkut siuariartornermi Kalaallit Nunaat annertuumik tapertaalluarsimangaluartoq, aatsitassanik pisuussutinillu uumassusilinnik tunisassiornermi Kalaallit Nunaat kalaallillu pissarsilaaginnarsimallutik, Vittus Qujaukitsoq, Siumut sinnerlugu folketingimut qinigassanngortittoq Folketingimi ilaasortanngoruni sulissutigisassani pillugit taamatut allappoq.

- Maannakkut Kalaallit Nunaat kalaallillu naapertuuttumik ingerlasariaqalerput. Aningaasaqarnikkut, politikkikkut allaffissornikkullu. Socialdemokratit naalakkersuisunngortitsippata sunneeqataaffigalugit suliniutikka ingerlatissavakka. 

- Nunatsinni pisortat suliffeqarfiutaasa pingaarnersaanni, inuiaqatigiinnullu sunniuteqarnersaanni pingasuni sulinermik misilittagaqarpunga. Nunatsinnut inuinullu paasissutissanik ilisimasanillu annertuumik taakkunani pissarsiaqarsimaJlunga, taanna oqarpoq. 

- Folketingimilu Lars-Emil Johansen-imut allatsitut sulinikuugama, Foketingimi sulilernissannut tunuliaqarluarlungalu piareersimavunga. 1997-imiit 2009-p tungaanut Siumup naalakkersuisuutitai tallimat sullitarinikuuakka. Siumut ukiuni 24-ni sulligu ineriartornikuuvunga. Partiip iluani suliniuteqartunut peqataasarnikuuvunga, nammineq piumassutsinnik suliaqartarlunga, peeqatigiiffinni suleqataallunga, allaffimmiuusarlunga kiisalu atorfilittut sulikuullunga, Vittus Qujaukitsoq oqaluttuarpoq.

- Maannakkut Folketingimi Kalaallit Nunaannik Issittumillu eqqartuiffioqisumi, Kalaallit Nunaata soqutigisai isumannaallisartariaqalerput. Tamanna patajaallisarlugu Nunatsinnut inuinullu attuumassutillit sunniutaaffiginiartariaqarpagut. Taakkua saniatigut kalaallit Danmarikimi najugaqalersimasut sullittariaqarput. Taakkua amerlanersaat ingerlalluaraluartut, amerlaqisut tapersersortariaqarlutillu ikiorserneqartariaqarput, taanna oqarpoq.  

- Siumumiit qineqqusaarpugut socialdemokratit naalakkersuisunngortitsippata tapersersorlugit, folketingimi ilaasortaatitaat Siumup ilaasortaatitaata suleqatigissammagit. Taamatut Kalaallit Nunaata immikkoortinneqannginnissaa socialdemokratit aaqqissuussaanerat pitsaalluinnartoq akuleruffigalugu suliniutigissallugu, Vittus Qujaukitsoq oqarpoq.

- Tusagassiuutitigut inuit naapiffigisartangaasigut ilanngussaqartannikkut, isummannik saqqummiinikkut kiisalu imminut ilisaritinniarlunga saqqummersitakkut "Nunarput pillugu, kalaallit pillugit". Tamakkua FB-mi quppersakkanni atuarneqarsinnaapput. Taakkua qallunaatuui suliaraakka, marlunngornerullu ingerlanerani pinngippat, kingusinnerpaamik pingasungorpat atuarneqarsinnaalissapput. ;-) 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER