Skip to main content

Demokraatit talerperlernik saamerlernillu suleqateqarput

Demokraatit folketingimut qinigassanngortitaata Niels Thomsen-ip Siumup Socialdemokratinik suleqateqarnera pillugu isornartorsiuivoq

 

- Siumup qallunaat socialdemokratiinik illuinnarsiortumik suleqateqarnera Nunatsinnut uggornalaarpoq, Damokraatit folkeitngimut qinigassanngortitaat Inatsisartunut ilaasortaq Niels Thomsen oqallissaarutimini allappoq.  

- Danmarkimi naalakkersuisut kikkuuneri apeqqutaatillugit qanoq Kalaallit Nunaat pillugu politikkeqarneq allanngorteqattaarnagu, Demokraatit atituumik suleqatiserinninnissaq ornigineruaat. Demokraterne iluatsitsillutik imaluunniit pikkorinnermikkut Folketingimi sinniisuutitaqalissangaluarpata, Danmarkimi politikkikkut illuatungeriit tamaasa suleqatieriniarpaugt. Tamanna Kalaallit Nunaannut iluarnerpaassaaq, taanna naliliivoq.

- Sapaatip akunnerani uani tamatta paasivarput, Siumup sinniisutut qinersisinnaatitaanini qallunaat socialdemokratiinut tunniukkaa. Tamanna partiip nammineq aalajangigassaraa, Danmarkimili talerperliit naalakkersuisuuinnassappata taamanna uggornaraluartumik suuniuteqarsinnaannginnermik kinguneqassaaq, Kalaallit Nunaannullu iluaqutaanaviarani, Niels Thomsen oqarpoq.

- Demokraatit allatut sueriaaseqassamaarput. Partiit arlaannaannulluunniit ilaasortanngorusunngilagut, maannangaarlu sorliit tapersersussanerlugit oqaatigerusunnatigit. Illuatungeriit arlaannulluunniit pituttorusunngilagut, pituttorsimanata Kalaallit Nunaanni soqutigisagut naapertorlugit suliniarusukatta, taanna oqarpoq. 

- Folketingimi ilaasortat 179-it akornanni Kalaallit Nunaata marluinarnik sinniisuutitaqarnera eqqaamassallugu pingaaruteqarpoq. Tamaammat sinniisuutitat taakkua marluk tunngavilersorluakkamik Folketingimi illuatungeriinnik suleqateqartariaqarput. Taamatut suleriaaseqarnikkut aatsaat politikki, kalaallit Kalaallit Nunaanni Danmarkimilu najugallit ulluinnarni inuunerat pitsaasumik sunnerneqarsinnaavoq, Niels Thomsen oqarpoq.

Taamaamat Niels Thomsen-ip neriuutigaa, Socialdemokratit naalakkersuisunngussagunik Kalaallit Nunaannut kalaallinullu innarliisumik politikkeqarlutik ingerlatsilissangaluarpata taakkunannga Siumut pituussaarsinnaassasoq. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER