Skip to main content

KNI 102 miliuuni koruuninik sinneqartooruteqarpoq

Ingerlatsitsivik KNI 2006-imi 200 miliuuni koruuninik amigartooruteqaruloortoq, Søren Lennert Mortensen-ip 2010-mi 100 miliuuni koruuninik sinneqartoortippaa

Aggustip 17-ianni nalinginnaasumik ataatsimeersuarnermi KNI-p 2010-mi naatsorsuutai tamanut saqqummiunneqarput. 

Akileraarutit akilertinnagit sinneqartoorutit 102,2 mio. koruuniupput, siorna sinneqartoorutit 53,4 mio. koruunit marloriaatingajaat.   

- Naatsorsuutit inerneri KNI-mi siulersuisut "assut naammagisimaarpaat", iliuuseriniakkatsitullu pilersaarutitta kissaatigisatsinnik sunniuteqarnerat aamma naammagisimaarnarluni, KNI A/S-ip siulittaasua Michael Skourup oqarpoq. 

Ataatsimeersuarnerup kingorna siulersuisunut ilaasortat qulingiluat ukuulerput:

• Michael Skourup, Siulittaasoq (Qinigaaqqittoq)

• Vagn H. Andersen (Qinigaaqqittoq)

• Jens Kristian Therkelsen (Qinigaaqqittoq)

• Sofia Geisler (Qinigaaqqittoq)

• Lotte G. Lundberg (Qinigaarlaaq)

• Karen Sofie Hansen-Hoeck (Qinigaarlaaq)

• H. P. Lynge-Larsen (Suliffeqarfiup qullersaqarfianiit)

• Jonas Aronsen (Ingerlatsiviup sinniisuutitaa)

• Inger Eriksen (Ingerlatsiviup sinniisuutitaa)

Siulersuisunut ilaasortat ataatsimeersuarnermi qinigaasut marlunniit arfinilinnut amerlinerisigut, mikisualunnik nioqquteqarnermi nukissiornerullu tungaatigut ingerlatsinerit ilisimannittunit isumagineqarnerat annertusarneqarpoq, tamannalu ingerlatsiviup unammilligassaannut tulluartuusoq, ingerlatsivik tusagassiuutinut nalunaarummini allappoq.  

Siulittaasoq Michael Skourup ataatsimeersuarnermi saqqumiinermini ilaatigut imatut oqaaeqarpoq:

- Periuseriniakkagut nutaat iluatsimmata ukiumut naatsorsuutit akileraaruteqannginnermi 102 miliuuni koruuninik sinneqartoornermik takutitsisut iluarisimaarlugit saqqummiussinnaavagut. 

- Ingerlatsivimmiit siunertarisatta sukumiisumik anguniarneratigut aningaasaqarniarnikkullu suleriaaserisatta pilersaarusiornerani malunnaatilimmik anguniakkagut makkua angusimavagut:

• Ingerlatsivimmi isertitaqarfigisartakkatta annikillinaveersaartinnerat allatigullu isertitat annertusarnerat

• Akiitsut erniallit annikillisarnerat

• Ingerlatsiviup tunngaviusumik aningaasaqarniarnerani pissutsit allanngortinagit ilaasa ineriartortinnerat. 

- Isertitat amerlinerisigut, ingerlatsivik atornianngikkaluarluni aningaasaliissuteqarsinnaalerpoq naak akiitsoreriikkat annikillineqaraluartut.  

- Aningaasaqarnikkut iluarnerusumik inissisimalerneq anguneqarsimavoq, ingerlatsiviup aningaasartuutai tamanut attuumassutillit tulluarsarnerisigut, kiisalu ukiut kingulliit pingasut ingerlaneranni ulloq naallugu sulisartut 100-t sinnerlugit ikilisariaqarnerisigut. Sulisorisat pissusissamissut suliunnaartut taarsertannginnerisigut aammali soraarsitsisariaqarnikkut suliffeqaarfiillu aaqqissuussaanerisa allanngortiternerisigut sulisut ikilisarneqarsimapput, siulittaasoq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER