Skip to main content

Kalaallit saqqarmiortaartut

Nuuk Shotokan Karate-Do-mi ilaasortat Aalborgimi inuusuttut unammeqattaarneranni peqataasut misigisaqarluavissorput 

- Naasunnguaq »Sofie« Geisler siulliulluni unammisoq kuultinnappoq. Periuserisassamitut isumaqatigiissutigisartik malilluaramiuk sungiusaasunilu tusaalluarlugu angusaqarluarpoq. Taanna ajugaaqattaaginnavippoq, LIssi Ottosen Nuuk Shotokan Karate-Do-miit Aalborg-imi sapaatip akunnaerata naanerani inuusuttut unammeqattaarnerannut peqataasoq, oqarpoq. 

Karatertartut Nuummeersut qanoq nukittutiginerat aatsaat taama takutilluarneqartigaaq. 

- Akeqqami qanoq unammeriaaseqarnini ilikkaleriarmassuk unammeriaatsini allanngortikkamiuk, unamminermini ajugaaqattaartuarpoq. Niuminik talerperlermik isimmitseriaagaangat talerpimmut qimaariaraangata pissilluni talerperlermik isimmeriartalerpai. 

Tassunga tulliulluni Innunnguaq Petersen unammeqattaarpoq. Taassuma unammilluaraluarluni unammisani mannginaarpai, torrallaaqalunili nr. 3-nngorpoq. 

Ataaseq kuultinngapput, siilvit pingasut marlullu bronze-nnallutik, unammeqattaarnermilli saniatigut puigunaatsunik misigisaqarput. Nuannisaarrannikooqaat inuillu nunanit allaneersorpassuit amma naapillugit. 

- Angajoqqaarsiaasut ilaqutariit Kirkegaard-ikkut, inuusuttunik taakkuninnga marlunnik tikilluaqquseqaat inuppalaarlutillu tunniusimaasimallutik. Taakkua paniat, Julie aamma siilvinnappoq, ajugaaniutivinnermi Naasunnguaq-mut ajorsarami.

- Peqataaffigisarput aaqqissuineq annertoorujussuuvoq - Aalborg-ermiut tulluusimaarutigisariaqagaat. Timersortartut assigiinngitsorpassuarnik timersuutinik aallussallit 1500-t peqataapput. Inuusuttut imminnut sungiutipallanniassammata arfinginngornikkut ulaligaa Fårup Sommerland-imeeriarluta unnukkut diskotek-imeerrappugut. Ukiut sisamat qaangiuppata Aalborg-iliaqqinnissarput qilanaarilereerparput, Lissi Ottosen iluarusoqaluni oqarpoq.


Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER