Angajoqqaanit piumasalinnit ilinniartitsisut sianerfigineqaqattaarput

Angajoqqaat ilarpaalui qitornamik atuarnerannut piviusorpalaanngilluinnartunik piumasaqarput, immikkut ilisimasallit arlallit isumaqarput

Angajoqqaat amerlanerusunik naleqqutinngitsunik piumasaqarput atuarfimmilu qitornamik immikkut pineqarnissaannik piumasaqarlutik. Assi Ssermitsiap toqqorsivianit

Meeqqat atuarfii atuanngiffeqarnerup kingorna ulluni makkunani ammarpata ilinniartitsisut pisortallu angajoqqaanit sakkortuumik tatineqarput, tamakkua Emiliap Malthellu atuagarsornikkut piginnaaasaannut qanorlu issusaannut sakkortunerusumik piumasaqarmata.

Anaanap ataatallu anguniagaat ima qaffasitsigimmata tamanna meeqqat atuagarsornikkut piginnaasaannut inuttullu piginnaasaannut ajoqutaasinnaavoq.
- Ajoraluartumik misigaarut angajoqqaat amerlanerusut saaffiginnittalersut annertoorujussuarnik piviusorpalaanngitsunillu piumasaqarlutik, Anders Balle, Skolelederforeningip siulittaasua 24timer-imut oqarpoq.

Anders Balle malillugu angajoqqaat nukatsitsitsisunik taaneqartut klassimi ataatsimuussuseq soqutiginngilluinnarpaat. Akerlianik pinngitsoornagu piumasaraat qitornatik atugarliornermut illersorneqassasut.

- Qitornatik kisiisa sammitinniarpaat. Imminnuinnaq eqqarsaatigipput namminerpiarlu qitornamik immikkut iliorfigineqarnissaat piumasaralugu - eqqarsaatiginagu ataatsimooqatigiilluarneq suleqatigiilluarnerlu pissutigalugit meeqqat inuulluartartut ilinnniagaqarlutillu, taanna 24timer-imut oqaluttuarpoq.

Angajoqqaat soqutigisaqaqatigiiffiata Skole og Forældre-p ajornartorsiut nassuerutigaa.
- Angajoqqaarpaaluit qitornatik ataatsimooqatigiinnermit pingaarnerutippaat. Taamaattumik suliassarujussuuvoq nassuiaatissallugit meeqqat ataatsimooqatigiinnermi ilinniartartut, nuna tamakkerlugu siulittaasoq Benedikte Ask Skotte oqarpoq.

Aamma ilinniagaqarnermut ilisimatooq Christina Lüthi, Universe Fondenimeersoq, oqarpoq angajoqqaat amerlanerusunik naapertuutinngitsunik piumasaqartut qitornamillu immikkut pineqarnissaannik piumasaqarlutik.

- Taamaasilluni angajoqqaatut suliassaq sapivippaat. Ajornartorsiut taanna maanna atuarfinni atugaasorujussuuvoq. Aammami amerikarmiut misissuinerisa takutipaat angajoqqaat annertoorujussuarmik akulerussimagaangata meeqqat appasinnerusunik karaktereqartartut, taanna oqarpoq.

Powered by Labrador CMS