Skip to main content

Kalaallit Nunaanni paasisassarsiortut nunarsuatsinni uumasut siullersaat pillugit paasissutissanik nassaarput

Ukiut 550 miliuunit matma siorna isseruttulernerani uumasut siulliit qanoq ilillutik pinngorsinnaasimanersut paasiniarlugu ujarassiuut Kalaallit Nunaanni paasisassarsiorput 

Nunarsuatta pinngorneraniit ukiut 4 miliaartit siulliit bakteeriaaqqat ataasiinnarmik celle-mik sananeqaatillit kisimik imarpinni uumasuusimapput, taamatut videnskab.dk-mi allaaserinnittoqarpoq.

Bakteeriaaqqaniilli uumasoqalernerata tungaanut piffissaq, Kambriske Eksplosion-imik taaneqartartoq, Nunarsuup ineriartornerata oqaluttuarisaanerani ilisimasaqarfigineqanngingajavippoq. Taamani pinngortitaq allanngulerluni qanoq ilimmat uumasut annerumaat pinngortalersimanerat ujarassiuut ullumikkut paasisinnaanngilaat. 

Professor Minik Rosing aamma Tais W. Dahl, Nordic Center for Earth Evolution-imi suleqataasut (NordCEE), Kalaallit Nunaata kangiata avannarpasinnerusortaani paasisassarsiorneq 2011, ’Nordøstgrønland Ekspedition 2011’ peqataaffigissallugu Kalaallit Nunaaliaqqammerput, sapaatillu akunnerini arfinilinni umiarsuaq pingasunik napparutilik, Activ, imartatsinni angallatigissallugu. 

Ilisimatuut eqimattakkaat pingasut tamarmik sapaatip akunnerini marlunni misissuisarlutik paarlaateqattaassapput.

Minik Rosing aamma Tais W. Dahl eqimattanut siullernut ilaallutik, umiarsuarmik Ella Ø ornissavaat, qeqertap taassuma qaarsortai uumasut siulliit pinngornerisa nalaanneersuupput. Taamaammat ilisimatuut taakkua marluk qaarsut taakkorpiaat asseqanngitsumik misilittaaffigisinnaassavaat.

- Piffissaq taanna arlalinnik celle-nik sananeqaatillit pinngorarfigimmassuk, Nunarsuatta oqaluttuarisaaneranut pingaarutilipilussuuvoq. Qaarsut ilanngartarlugit misissornerisigut uumasut pinngoralernerannut sananeqaatit allanngorarlutik aallaavigisimasaat paasisaqarfigisinnaalissavagut, Tais W. Dahl, ulluinnarni Syddansk Universitet-imi Biologist Institut-imi atorfilik, oqarpoq. 

Pissutsit qanoq ilimmata uumasut pinngoralersimanerat qulakkeerlugu ilisimaneqanngikkaluartoq, ilimagineqarpoq piffissap issileruttorfiani sananeqaatit imminnut sunneqattaatilernerisigut uumasut pinngoralersimassasut. Den Kmbriske Eksplosion-ip siuninnguatigut Nunarsuarput issileruloormat imarpiit tamarmik sikullutik Nunarsuarput tamarmi qerisimasoq ilisimaneqarpoq. 

Silap pissusaata allæanngorujussuaqattaalerneratigut silaannaap pinngortalerneratigut uumasut pinngoralersimanissaat ilimagineqarsinnaavoq. Tamannali ilumoornersoq ilisimatuut maanna paasiniagassaasa ilagaat. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER