”Road Trip”-imiit nutaarsiassat kingulliit
Isiginaartitsisartut Canada-mi angalanerat kulturikkullu anersaanissimaarnermik misigisaat pillugit, Pipaluk Kreutzmann Jørgensen sapaatip akuneri tamaasa ullorsiutimini allataminik nassiussisassaaq
AG-mi saqqummertoq kingulleq aallarnerfigalugu, Pipaluk Kreutzmann Jørgensen-ip ullorsiutaanit ilanngussaqartalerpugut. Taanna isiginnaartitsisartut nalunnginneqarluartut, Miké Thomsen, Arnatsisaq R. eriksen, Najattaajaraq Joelsen kiisalu Vilhelm Egede ilagalugit, Canadami isiginnaangassiat “Tulugaq” aamma “Oqarit Inuullutillu” takuteqattaarpaat.
Angalaneq Pipaluk K. Jørgensen-imit Karsten Heilmann-imillu piareersarneqarsimavoq.
Ullorsiutit aallartillugit qulequtsiunneqarpoq ”Kulturimut tammartumut nersorinnineq”, nangillunilu:
- Native Friends qiteriaatsiminnik, qilaasersornerminnik minnerunngitsumillu pinngortitamik nersorinninnerat takullugu eqqarsarpunga - naaguna uagut kulturerput?
- Naggueqatigiit INUIT ilaattut misiginarpoq, kultureqatigiinnitsinnut takussutissat qanoq amerlatigisut uagut aallukkunnaarsimagivut, apereqqajaanarsilluni uagut kulturerput qimavissorsimaneripput. Pipaluk Kreutzmann Jørgensen ullorsiutimini allappoq.
Isiginnaartitsisartoq Arnatsiaq Reimer Eriksen, oqarpoq:
- Qamuuna anersaakkut attortinnarpoq. Soorlu angerlarluni eqqissiffissaqalerluni. Allaanngivippoq anersaarpassuit akornanniilluni, uangalu qulliikka kuuinnaleraluarput.
Ullorsiummi allassimasut AG nr. 31-mi atuakkit. Aviisi uani elektroniskimik pisiarisinnaavat.