Skip to main content

Tunitsiviit nunaqarfimmiut namminneq ingerlanniarpaat

Tunitsiviit tunisassiorfiillu pisiaralugit nammineq ingerlatilernissaat Atassutip soqutigineqarluarnerarpaa 

Tunitsiviit tunisassiorfiillu namminersortunit ingerlanneqalerunik akornimini unammillernerulissammata, nunaqarfinni tunitsiviit tunisassiorfiillu inuussutissarsiorfiunerisa ingerlaavartumillu annertunerusumillu tunisassiorsinnaalernissaat periarfissaqalissaaq.   

Atassut sinerlugu Inatsisartuni ilaasortat Knud Kristiansen aamma Siverth K. Heilmann isumaqarput. Nunaqarfinni namminersulerusuttut tunitsivinnik tunisassiorfinnillu ingerlatsilerusuttut aningaasat akiitsoriligassaasa Landskarsimiit qularnaveeqquserneqarnissaat taakkua piumasaraat. 

Namminneq taakkua Inatsisartuni ilaasortatut inuit tunisassiorfinnik ingerlatsilerusuttut tusartarsimanerat, siunnersuuteqarnerminnut tunuliaqutiginerarpaat. 

– Maniitsup kommunerisimasaani namminersortut kattullutik aningaasaliinermikkut tunisassiorfimmik matunikumik pisinikuupput. Tamatuma kingorna tunisassiorfik Maniitsumi nunaqarfinnilu innuttaasunut aalisartunullu iluaqutaallualersimavoq. Akileraarutitigummi isertitat amerlipput inunnillu isumaginninnermut aningaasartuutit ikileriarlutik, Knud Kristiansen aamma Siverth K. Heilmann paragraf 37 naapertorlugu Naalakkersuisunut apeqquteqarnerminni allapput. 

Knud Kristiansen-ip aamma Siverth K. Heilmann-ip tusarusuppaat, nunaqarfinni namminersortut sumiiffinni najugallit namminneq tunisassiorfinnik ingerlatsilernerat misilittagaqarfigineqarnersoq. Kiisalu:

- Tunitsivissat tunisassiorfiillu qassit maannakkut nunaqarfinni inissisimappat?  
- Tunitsivissat tunisassiorfiillu maannakkut nunaqarfinni inissisimasut qassit Namminersorlutik Oqartussanit pigineqarpat?  
- Tunitsivissat tunisassiorfiillu nunaqarfinniittut qassit maannakkut ingerlanneqanngillat? Taakkualu kikkunnit pigineqarpat?  
- Tunitsivissat tunisassiorfiillu nunaqarfinni ingerlanneqartut qassit piginnittunut iluanaarutaallutik ingerlappat?  
- Assersuutigalugu Royal Greenland-ip nunaqarfinni tunisassiorfiutiminik namminersortunut nunaqarfimmilu najugalinnut tuniserusussinnaanissaa Naalakkersuisut ilamanartoqartippaat? 
- Nunaqarfinni tunitsiviit tunisassiorfiillu namminersortunut tunineqarnissaat siornatigut misilinneqarnikuua?  
- Taanna angerneqarpat: Taava taamatut tunisinerit qanoq kinguneqarpat? Pisortanit tapiisoqanngikkaluartoq tamakkua ingerlatsiviit niuernerpalaartumik ingerlanneqalersinneqarsinnaappat?  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER