Skip to main content

- Nannut toqunneqarmata qiavugut

Arfininngormat Nuup eqqaani nannut toqunneqarmata, Nûnu Nedergaard alapernaappoq. Ilaqutariit assilisaat takukkit 

Nuummi piniartunik nakkutilliisup angallatinik pingasunik ikiortilerluni, arfininngormat nannut Nuup kangerluaniit qimaatinniarsarigaluaraat, Nûnu Nedergaard-ip ilaqutaasalu qanimut malinnaaffigaat.  

Taanna oqaluttuarpoq:
- Ikingutiga Nanna Kilime ilagalugu angajoqqaakka, Klaus Nedergaard aamma Dorit Olsen, angallammik angalaqatigilaarniarlugit Qeqertarsuaq qanillillutigu anaanama nannut naluttut takuai. 

Qeqertarsuup kitaatigut qaqimmata akunnerup affaata missaani malinnaaffiigeriarlutigit, piniartunik nakutilliisoq kalerrikkatsigu piaartumik takkuppoq. 

- Klaus-ip piniartunillu nakkutilliisup nanut seqqoqattaarlutik qimaatinniarsarigamikkit siullermik iluatsitsigaluarput. Nannut qeqertamut minnerumaamut nalummata angallammik taakunga malippagut. 

- Piniartunik nakkutilliisup qeqertamut ikaarluni qimaateqqeriaraluaramigit, Nuup tungaanut qimaatiinnarpai. Piniartunik nakkutilliisut angallataat marluk uagullu illuatungeriilluta nannut tunuanniit malippagut, kangerluullu paavanut sivisuumik qimaatinniarsarigaluarlutigit, tamaanili sarfarnera pissutigalugu nannut nikeriarpiarsinnaanngillat. Nannut arlaleriarlutik Nuup tungaanut aallartaraluareersut, illoqarfimmullu qanillivallaaqimmata navianartorsiortitsilinngineranni, naggataatigut piniartunik nakkutilliisoq peqquneqarpoq nannut aallaaqqullugit.

- Akunnerup ataatsip ingerlanerinnaani nannut Qinngutsinnut apuussinnaagaluarput, ataasinngorpallu aavarneq aallartittussaammat nannut tamaani angalaarnissaat uloriagineqarsimavoq. Alianaraluaqaaq, kisianni allatut iliuuseqartoqarsinnaanngilaq. 
Misigisaq tupinnaannartumik alutornartuuvoq, kisianni aamma artornaqaaq. Misigissutsit assigiingitsorpassuit misigivagut. Klaus-ip piniartunillu nakkutilliisup nannut 20 meterisut qanitsigilermatigit ersinaqaaq. Nannut toqunneqarnerat isiginnaarlugu artornaqimmat, angallammi tamatta qiavugut. 

Nûnu Nedergaard-ip naqissuserpaa, akunnerit arlallit ingerlaneranni nannut Nuup eqqaaniit qimagutsinniarneqaraluartut, piniarnermillu nakkutilliisoq sapinngisaminik qimaatitsiniaagaluartoq. 














 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER