Skip to main content

Greenpeace-p Cairn-ip qullersaqarfia tiguarpaa

Greenpeace-mi illersuiniaqatigiit 65-it, marlunnik qallunaartallit, Cairn-ip qullersaqarfia tigusaraat

Kalaallit Nunaanni mingutsitsisoqassangaluarpat upalungaarsimanermi pilersaarutit paasiniarlugit Greenpeace annertuuliorusuppoq. Suliniaqatigiiffik pisortatigut paasissutissanik piumasaqarpoq. Ullumi ataasinngornermi ullaakkut suliniaqatigiit 65-it Edinburgh-imi Cairn-ip qullersaqarfia tiguarpaat. 

Greenpeace ullaaq pisimasut pillugit taamatut tusagassiuutinut nalunaaruteqarpoq. Nalunaarut Greenpeace-meersup Jon Burgwald-ip bloggimini allataanit tigulaarineruvoq.

Tassani atuarneqarsinnaavoq:

Aatsitassaqarnermut qullersaqarfiup Cairn-illu akerusunngisaat tamatigut pinartumik pisariaqartuuvoq:
- Uuliasiortut qaartooriataassappata uulia qanoq piiarneqassava? Cairn-ip assersuusiornermigut takutippaa uuliap 66 procentia qaammatit marluk qaangiunneranni suli immap qaavaniissasoq, kikkunnilluunniilli piviusorsiortumik oqaatigineqanngilaq, uulia qanoq annertutigisoq ingerlatsiviup piiarsinnaassaneraa. 
-  Cairn-ip qanoq iliorluni uulia piiarsinnaassavaa? Uuliap ilumut piiarneqarsinnaanissaa, ilisimatuut nunanit tamaneersut kiisalu tuluit amerikamiullu naalakkersuisuisa apeqquserpaat. Taamaammat Cairn-ip ilisimatitsisutigisariaqarpaa periutsit qanoq ittut atussamaarnerlugit, taakkualu Issittumi atorneqarsinnaanerisa qularnannginnerat paasissutissiissutigalugu. 
- Saliinissami periutsit namminneq qanoq ajoqusiisinnaatigippat? Uulia ikuallallugu arrortitsisutaasinnaasunillu Cairn saliiniassamaarpat, periutsit taakkua uumasunut afvatangiisinullu sunniuteqartussaapput. 
- uulia sikup sinaanut anngutissappat Cairn qanoq iliuuseqassamaarpa? Aatsitassaqarnermut qullersaqarfik Cairn-ilu oqarput, mingutsitsisoqarnissaanut annikitsuinnarmik aarlerisoqartariaqartoq, Cairn-illi uuliamik mingutsitseriataarsinnaanerata sikunik alapernaarsuineq aallaaviagalugu DMI-p immamut assiliaata ersarissumik takutippaa, mingutsitsivsinnaaneq piviusorsiorluni aarleqqutigineqartariaqartoq, tamannalu Cairn-ip takorluukkani naapertorlugit naatsorsuinermini ilanngussimanngilaa (qupp. 7-26, VVM-ip nalunaarutaani).
Cairn-ip Kalaallit Nunaat apeqqutinut tamakkungunna eqqortunik akissuteqarfigisariaqarpaa. Atortut illoqarfimmi sorlermi inissinneqarnissaat Greenpeace-mut apeqqutaanngilaq, mingutsitsisoqarluniluunniit ajunaarnersuaqarnerani oqarasuaatit normui sorliit atorneqassanersut. Taama pisariunngitsigisut Cairn-ip nammineq isumagisinnaassagai naatsorsuutigaarput.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER