Kuultinnanniuttut
B-67, K-33 kiisalu N-48 isikkamik arsaalluni angutit inuusuttut GM-erneranni ajugaassangatinneqarput
Angutit inuusuttut isikkamik arsaallutik ulluni makkunani Nuummi GM-ermerneranni, B-67 Nuummeersup Qimmeq, Upernavimmeersoq 3-1-imik ajugaaffigaa.
Unamminerup tulliani Nagdlúnguaq Ilulissaneersoq Paamiuneersoq Nagtoralik 2-1-imik ajugaaffigaa.
Taamaalillutik ajugaassangatitat aallartilluarput.
Ukioq manna inuusuttut assammik arsaallutik Nunatsinni pissartanngorniunneranni, ajugaassangatitat pigasuupput, tassaallutik B-67, kingullermik pissartanngortut, avannaani angummanniunnermi ajugaasut N-48, Ilulissaneersut kiisalu kujataani anngunniunnerni ajugaasut K-33 Qaqortumeersut.
Arfininngorpat pissartanngorniutivittoqassaaq.
Arfininngornerulli tungaanut Nuummi arsaattarfimmi unammeqattaartoqartuassaaq.
GM-imi iligiit sisamakkaarlutik marlunnut immikkoortinneqarsimapput.
Pulje 1-imiipput: B-67, Nuummiit, Qimmeq Upernavimmiit, Nagtoralik Paamiuniit kiisalu Nagdlúnguaq Ilulissaniit (aamma N-48-mik taaneqartartut).
Pulje 2-miipput: Kagssassuk Maniitsumiit, G-44 Qeqertarsuarmiit, K-33 Qaqortumiit kiisalu Eqaluk-54 Tasiusamiit (Nanortallip eqqaani).
Ullumi unammisut tamarmik puje 1-imeersuupput.
Nunatsinni inuusuttut isikkamik arsaallutik pissartanngorniunnerat pillug allaaserisaq aamma pingasunngorpat Nuuk Ugeavis-imi atuarneqarsinnaassaaq.