Skip to main content

Paamiuni anngunniulluni unamminerit

Angutit Sisimiuni GM-ernissaannut K-1933 Qaqortumeersoq aamma Nagtoralik Paamiuneersoq anngupput 

Sapaatip akunnerani qaangiuttumi arsaannermi angutini Kujataani anngunniuttoqarpoq. K-33 Qaqortumeersoq aamma Nagtoralik Paamiuneersoq angutit arsarlutik GM-ernissaannut, sap. ak. 33-imi, ataasinngornermi aggustip 15-ianni aallartittussami, Sisimiuni ingerlanneqartussamut, anngupput.

Paamiuni Nagtoraliup sungiusaasua Ujarak Joelsen malillugu qangarsuarli Paamiuni anngunniulluni unammisoqarsimavoq, tamannalu pissutigalugu illoqarfimmiut soqutiginnittorujussuusimapput illoqarfiullu klubbia Nagtoralik tapersersorneqartorujussuusimalluni.

Kalaallit Nunaanni Arsaattartut Kattuffiata dommerit pingasut Nuummit Paamiunut anngunniunnermut aallartissimavai, Angerla Poulsen, David Jakobsen aamma Allan Eriksen. Tamatuma saniatigut Paamiormiu utoqqasaaq Ulrik Mathiassen suli arsaattuni dommeriusarpoq.

Unamminerni angusat:

Marlunngorneq 12. juli:

Nagtoralik (Paamiut) - Eqaluk 54 (Tasiusaq): 3-1

K1933 (Qaqortoq) - N-85 (Narsaq): 2-1  

Pingasunngorneq 13. juli:

N-85 (Narsaq) -  Eqaluk 54: 1-1

K-1933 - Nagtoralik: 2-1     

Sisamanngorneq 14. juli:

Nagtoralik - N-85: 1-1

K-1933 - Eqaluk 54:  4-3

Tamatuma kingunerisaanik K-1933 9 pointit tamaasa pissarsiaralugit 2011-mi angutit GM-ernissaannut annguppoq.

Aamma illoqarfimmi arsaattartut klubbiat Nagtoralik 4 pointinnalluni nr. 2-ngorami annguppoq.

Ukioq manna arsaattartut klubbii sivisuumik ajornakusoortumillu Paamiunut unammiartorput Nanortalimmeersut (Tasiusamit nunaqarfiup holdia), Qaqortumeersut Narsameersullu. Unammisartut sungiusaasullu angallatinik mikisunik umiatsiaaqqanillu angalapput, tamannalu sikorsuaqarnera pissutigalugu kigaatsumik, ajornakusoortumik ulorianartumillu pisimavoq. Tusakkat malillugit holdit tamarmik Paamiunit ajoratik angerlamut apuussimapput.


 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER