Avatangiisinik illersuiniat dronningi naqqippaat
Silap pissusaa allanngortinneqarsinnaannginnerarlugu dronning Margrethe-p oqarnera, avatangiisinik illersuiniaqatigiit naqqiissuteqarfigaat
Silap pissusaa allanngortinneqarsinnaannginnerarlugu dronning Margrethe-p oqarnera, avatangiisinik illersuiniaqatigiiffiit arlallit isumaqatiginngilaat.
Dronningi Kalaallit Nunaani angalatilluni silap pissusaa pillugu oqarmat: "ilami allanngortinneqarsinnaanngilaq", WWF Verdensnaturfonden-imeersut Greenpeace-meersullu naqqiissuteqarfigaat.
- Silammi pissusaa imminut allanngortippat soriarneqarsinnaanngilaq. Tamanna nassuerutigisariaqarparput. Dronningi ilaatigut oqarpoq.
Tamanali eqqungilaq, Greenpeace naqissusiivoq:
- Dronningi qanoq iliuuseqartoqarsinnaannginneranik oqarami suna eqqarsaatigisimaneraa nauara, Greenpeace-mi silap pissusaa pillugu tusagassiinermut akisussaasoq, Christina Koll oqarpoq.
- Qujanartumik silap pissusaata allanngoriartornera iliuuseqarfigineqarsinnaavoq, tamannalu piaarnerpaamik piguni iluassaqaaq, taanna oqarpoq.
Dronningip oqaasiiaamma WWF Verdensnaturfonden-imiit eqqumiigineqarput:
- Silammi pissusaa nammineq allanngoriartunngilaq. Allanngoriartornerup inunnit pilersinneqarnera erseqqippoq, taamaammallu qanoq iliuuseqarfigineqarsinnaavoq, WWF-imi silap pissusaa avatangiisillu pillugit pisortaq, John Nordbo oqarpoq.
Danmark-ip qullersaa aamma silap pissusaata allanngoriartornera pillugu oqarpoq, "qerisitsivik imaanukaatiinnariarlugu kangerluk sikutinneqarsinnaanngilaq. Tamanna akueriinnartariaqarpoq".
Taamatut aamma oqarnera WWF Verdensnaturfonden-imiit akerlilerneqarpoq:
- Ajornartorsiutip nassuiartagalerujussuup naatsumik nassuiariaraluarnera iluatsinngilaq, John Nordbo oqarpoq.
/ritzau/