Skip to main content

Kunngikkormiut Pituffimmiit timmisartumik aallarput

Dronningi uinilu Naalakkersuisut siulittaasuat ilagalugu nalunaaqutaq 11:45 Upernavimmut apuutissangatinneqarput 

Kunngikkormiut Kuupik Kleist ilagalugu nal. 09:00 Pituffimmiit aallarput, nal. 11:45 Upernavimmut tikissangatineqarput. 

Maannakkut Upernavimmi putseraluarpoq, Twin Otter-ili kunngikkormiunik ilaasoqarluni tikinnginnarani sila allaaqqississangatinneqarpoq. 

Taamaakkaluartoq timmisartoq Upernavimmut missinnanngikkuni Uummannamut ingerlaannassaaq.

Droningi uinilu Naalakkersuisut siulittaasuat ilagalugu Upernavimmut tikikkunik, Qaasuitsup Kommuniani borgmesterip, Jess Svane-p tikilluaqquneqassapput.

Umiarsuup alapernaarsuutip Hvidbjørnen-ip Baffin-ip kangerliumarngani sikup sinaani, kunngikkormiut Upernavimmut Uummannamulluunniit tikinnissaat utaqqimaarpaa. 

Apuutereerpata Hvidbjørnen Upernaviliassaaq.

Dannebrog maannakkut Upernavimmiippoq, unnugulu kunngikkormiut ilaasoralugit aallaqqissamaarluni.

Kungikkormiut aqagu nunaqarfinnut Niaqornanut Saattunullu tikeraanissaat pilersaarutaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER