Angut pinngitsaaliisutut unnerluutigineqartoq

Sapaatip akunnerata naanerani Sisimiuni persuttaasoqarlunilu pinngitsaaliisoqarpoq

Arfininngormat juulip 2-anni 2011 Sisimiuni arnap 26-inik ukiullip politiinut nalunaarutigaa angerlarsimaffimmini pinngitsaalineqarsimalluni, taamatut paasissutissiivoq Region Midt-imi Sisimiuni Qullersaqarfeqartumi politikommissær Johan Davidsen.

Nalunaarutiginninneq malillugu angutip 31-inik ukiullip arnap nalunngisaata pinngitsaalillugu atoqatigisimavaa.

Angut 31-inik ukiulik tigusarineqarpoq pinngitsaaliisimasutullu unnerluutigineqarluni. Sapaammi juulip 3-anni 2011 inatsisit tunngaviusut malillugit killisiorneqarpoq ullunilu 26-ini tigummigallagassanngortinneqarluni, Johan Davidsen paasissutissiivoq.

Ulloq taanna nal. 1040 arnap 41-nik ukiullip politiinut nalunaarutigaa aappaminit 38-init ukiulimmit persuttarneqarsimalluni.

Persuttaanerup nalaani arnaq savimmik angutip tigumiaanik kilerpoq. Politiit angut 38-inik ukiulik tigusaraat, taannalu unnerluutigineqarnermi killisiorneqarnermilu kingorna iperagaavoq.

- Naatsorsuutigissavaali eqqartuussivikkoortinneqarnissani, politikommissæri oqarpoq.

Kangerlussuarmi, Maniitsumi Qeqertarsuarmilu eqqissisimanarsimasoq Johan Davidsenip Sisimiuni qullersaqarfimmit paasissutissiissutigaa.

Powered by Labrador CMS