Odense-mi Inuiattut ullorsiorneq
Eqqumiitsuliortoq politikeriusimasorlu, Thue Christiansen, Odense-mi Kalaallit Illuutaanni oqalugiarpoq
Eqqumiitsuliortup Thue Christiansen-ip Odense-mi Kalaallit Illuutaanni oqalugiarnermini, Kalaallit Nunaata ineriartornera eqqartorpaa. Ilaatigullu Hans Hedtoft-ip Landsrådimut 1948-mi oqalugiarnera ima issuaaffigalugu: - Kalaallit anersaakkut tigussaasutigullu suli ima inerissimatiginngillat, maannakkut qanittukkulluunniit nunap avammut ammarnissaa qajannarallarpoq. - Taamani uanga arfineq pingasunik ukioqarpunga, ukiorlu taanna anaanaga taasisinnaatitaalerluni. 13-inik ukioqalertunga nuna avammut ammarneqarpoq, Kalaallillu Nunaatalu ineriartortsinnissaani sanaartoqataaniarlutik qallunaarpassuit Maniitsumut tikerartut eqqaamalluarpara. Tamatumaniit ukiut 30-t qaangiummata, inuiaat kalaallit qallunaat naalakkersuisuinik isumaqatiginninniareerlutik namminersornerulerput. Ukiorlu taanna - tassa 1985-imi - Kalaallit Nunaat nammineq errfalasortaarluni. 2009-milu tassa namminersulerluta.