Skip to main content

Københavnimi Inuiattut Ullorsiorneq

Ilisimatuup 83-inik ukiullip Robert Petersenip malinnaalluarnini takuteqqippaa, pingaarnerusutut oqalugiarami

Ukioq manna kalaallisoortoqarpianngilaq. Akerlianik inuit 300-t missarpiaat takkupput, Københavnimi Kalaallit Illuutaat Inuiattut Ullorsiorermi aaqqissuussisooqqimmat.

Illup pisortaata Inger Bruunip oqalugiarnermini nuannaarutigalugu oqaatigaa Illu maanna - ukiuni tallimani allanngortiterneqareersimalluni nutarterneqareersimallunilu - imminut taagorsinnaalermat "Kalaallit Illuutaat, Danmarkimi kalaallit kulturiannik aallussisut siuttuattut".

Pingaarnertut oqalugiartup ilisimatuup Robert Petersenip oqalugiarnermini inuunermini ukiut siullerniit ullumimut taakkartorpai. Kalaallit Nunaat allanngoriartorujussuarsimasoq kalaallit kinaassutsiminnik nukittorsaaffiannit inuiaqatigiinnut kalaallit tunngaviinik tunngaveqaleriartuinnartunut.

- Ullumikkut pissutsit qiviarutsigik, piffinnut nutaanut ingerlaarfivut, soorunami ajornartorsiuterpassuaqarpoq. Innuttaasulli isiginninnerat allanngorsimavoq, akisussaassuseqarnermillu misigisimasut amerlanerujussuupput, Robert Petersen oqarpoq.

Ulloq naallugu assigiinngitsunik aliikkusersuisoqarpoq. Ilaatigut erinarsoqatigiit MIK aamma Erinarsoqatigiit Sarpik aliikkusersuillutik, nerisassanillu tuniniaasoqarluni. Unnuk manna Svend Åge Jensen aamma Copy Paste qititsitsissapput, nalliuttorsiornerup unnuap qeqqani naanissaaata tungaanut.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER