Skip to main content

Pisiat tunisallu oqimaaqatigiinnerat pitsanngoriarpoq

Kvartalimi siullermi pisiatigut tunisatigullu amigartoorutit 2010-mi piffissamut tassunga sanilliullugit pitsanngoriarnerujussuupput 

Kvartalimi siullermi avataanit eqqussukkat ikileriarput avammullu tunisat amerleriarlutik, 2011-imi kvartalimi siullermi nunanik allanik niueqateqarnermit kisitsisit nutaajunerpaat tamanna takutippaat, kisitsisillu ullumi Kalaallit Nunaanni Naatsorsueqqissaartarfiup tamanut saqqummiuppai.

Kvartalili ataaseq tunuliaqutaralugu sukkavallaamik inerniliinissat sianigineqassapput. Nunanik allanik niueqateqarnermi kisitsisit ineriartornerat mianersortumik isigineqassapput, ukiumi qaammatinut tamanut kisitsisit saqqummiunneqarnissaasa tungaanut, Kalaallit Nunaanni Naatsorsueqqissaartarfik allappoq.

Kvartalit akornanni nikeriartoqarsinnaavoq, taamaattumik kisitsisit ukiup siuliani kvartalimut toqqaannartumik sanilliunneqarsinnaanngillat.

Naatsorsueqqissaartarfiulli takutippaa ukiumi qaammatini siullerni pingasuni avataanit eqqussukkanut aningaasartuutit 633 millioner koruuniusut. Sionamut sanilliullugu 78 millioner koruunit sinnerlugit appariarput, tassa 11 procentimik. Pingaartumik aatsitassanik, ikummatissanik uulialersuutinillu kiisalu maskiinanik assartuinermilu atortunik eqqussuineq annikilleriarsimavoq.

Avammut tuniniaanermit 2011-imi kvartalimi siullermi isertitat tamarmiusut 524 millioner koruuniupput. Siorna piffissamut tassunga sanilliullugu 183 millioner koruuninik amerleriarput, tassa 53,5 procentimik. Pingaartumik nerisassanik nersutinillu uumasunik avammut tunisaqarneq annertuseriarsimavoq.

Taamaasilluni 2011-imi kvartalimi siullermi pisiatigut tunisatigullu amigartoorutit 109 millioner koruunit missarpiaanniipput, siorna piffissamut tassunga sanilliullugu 261 millioner koruuninik pitsanngoriarlutik.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER