Arnaq Nuummi tigusarineqartoq
Qeqertarsuatsiaani arnap najugaqatini savimmik kapisimasutut paisneqartoq
Arnaq 47-nik ukiulik Qeqertarsuatsiaaninngaanneersoq sapaatiummat Nuup eqqartuussiviani sassartinneqarpoq, najugaqatiminik savimmik kapisisimasutut pasineqarluni.
Arnaq maanna pinerlussimasunik inissiisarfimmi juulip 14-iata tungaanut tigummigallagassanngortinneqarpoq. Nuummi politiit taamatut nalunaarput.
Suliaq aallartippoq, tallimanngornerup arfininngornerullu arkornanni unnuakkut Qeqertarsuatsiaani Kommunefogedi saaffigineqarmat, angutip 61-nik ukiullip quttoqqamigut savimmik kapineqarsimalluni annertuumik aanaartoornera pissutigalugu.
Tassani paasineqarpoq, erngullutik assortuutereerlutik arnap 47-nik ukiullip angut quttoraatigut savimmik kapisimagaa.
Nal. 04:00 politiit pingasut Qeqertarsuaaliartinneqarput, tassalu arnaq sapaatiummat Nuup eqqartuussiviani sassartinneqarluni.