Skip to main content

Greenpeacermiut qullersaat suli parnaarussaaqqajuarsinnarpoq

- Naak Cairnermiut uuliaarluernissamut upalungaarsimanissamut pilersaarutaannik takorusutaqarneq pissusissamisooraluartoq nunarsuarmiullu piumasarigaluaraat tusaajumanngilaat, taama Kumi Naidoo parnaarussivimmiittoq oqaaseqarpoq

Greenpeacep qullersaa Kumi Naidoo Cairn Energyp qillerivianut sakkortuuliorfiunngitsumik akerliussutsimik takutitsereerluni parnaarussaareersorlu Greenpeacep umiarsuai Esperanza aamma Arctic Sunrise allanik suliaqariartorlutik nunatta imartai qimassimavaat. Esperanza Canadap tungaanut ingerlaaleruttorpoq, Arctic Sunrise-lu Europamut ingerlaaleruttorluni. Taama Greenpeace tusagassiutinut nalunaaruteqarpoq.

Greenpeacep nunanut tamanut generalsekretæria Dr. Kumi Naidoo qillerivimmut Leiv Eirikssonimut qallornikuuvoq, qaqereermat allagaq inunnik 50.000-inik nunarsuarmit tamaneersunit atsiorneqarsimasoq tunniuppaa. Allakkami Cairnip upalungaarsimanissamut pilersaarusiaa tamanut saqqummiunneqarnissaa piumasarineqarpoq, taamaasiortoqareerpat sumulluunniit attuumassuteqanngitsut naliliisinnaaniassammata. Greenpeace taamatut allappoq.

Kumi Naidoo qillerivimmut qaqillunilu tigusarineqanngitsiarnermini sooq taamaasiornini imatut nassuiaateqarfigaa:

- Uanga afrikamiuuvunga, taamaammat uuliasiorfiit maani issittumi iliuuserisaasa kingunerisaanik silap pissusaata allanngoriartornerisa kingunipilui nunarsuarmut tamanut eqquisarput. Eqqugaasullumi tassaagajupput inuit nunani piitsuneersut, taakkulu siullersaajullutik silap pissusaata allanngoriartornerata kingunipiluinik eqqugaaqqaartarput. Taama Naidoo tusagassiutinut nalunaarusiami oqarsimanerangaavoq.

Kumi Naidoo illersuiniaqatigiiffimmiorlu norgemiuusoq Ulvar Arnkværn kunngeqarfik Danmarkimiit anisitaanissartik utaqqillugu nunatsinni parnaarussaaqqapput. Eqqissiviilliortitsisimasutut isumannaallisaanissarlu pillugu killeqarfigititamik qaangiisimasutut unnerluutigineqarput.
Nuummilu parnaarussaaqqasoq Kumi Naidoo ullumi ima oqaaseqarsimavoq:

- Cairnermiut uuliarluissangaluarpata upalungaarsimanissamut pilersaarutaasa suunerinik paasisaqarusunneq pissussamisoortoq nunarsuarmiut piumasaat tusaanianngilaat. Uffa upalungaarsimanissamut pilersaarutit suunersut tamanut takutinneqarnissaat pissusissamisoornerarlugu hollandimi eqqartuussisup oqaatigisimagaluaraa. Taamaammat Ulvar peqatigalugu inuppassuit piumasaqaataat Cairnermiunut toqqaannartumik tunniukkiartornissaa aaliangiuppara. Naidoo tusagassiuutinut nalunaarusiami taamatut oqarsimanerangaavoq.

Cairnermiut nunatta kitaata imartaani sumiiffinni assigiinngitsuni sisamani misileraallutik qillerileruttorput, tassa Nuup avataani marloriarlutik qillerissallutik, Qeqertarsuullu avannaatungaani iluliaqaqisumi aamma marloriarlutik qillerissallutik.

- Cairnermiut issittumi pinngortitaq, tamassuma inuisa uumasuisalu pinngitsoorsinnaanngisaat ulorianartorsiortippaat. Tamaani uuliarluertoqassangaluarpat ajunaarnersuaqassaaq uulialuernerlu salinneqarsinnaanngiusassalluni, Jon Burgwald, Greenpeacemi silap pissusaanut tunngasunik suliaqartartoq taamatut oqaluttuarpoq.

- Naak umiarsuaativut qimagukkiartoraluartut issittumi uuliasiornissamut akerliunerput unitsinneqassanngilaq, Jon Burgwald taamatut naggasiivoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER