Inatsisit malillugit ataataqanngitsut

Nassuiaat ph.d. Jens Heinrich-ip aamma ph.d.adjunkt Sniff Andersen Nexø-p kiisalu dr.jur. professor Linda Nielsen-ip suliarisimavaat. Taama Danmarkimi ministeriuneqarfik tusagassiutinut ullumi nalunaaruteqarpoq.

Inatsisit malillugit ataataqanngitsut pillugit nassuiaaqqusissut naalakkersuisut siulittaasuata danskit naalakkersuisui 2010-mi noqqaassuteqarfigimmagit akuerineqarsimaavoq.

Sooq Nunatsinni Danmarkimilu uersakkat inatsisitigut inissisimanerat assigiissimannginnersoq nassuiaassutigineqassaaq, kiisalu danskit kalaallillu oqartussaat tamatumunnga sunik oqaloqatigiissuteqartarsimanerat aamma nassuiarneqassalluni.

Nassuiaanissap tamanut tusarliunneqarneranut atatillugu ministeriuneq Lars Løkke Rasmussen ima oqarpoq:

- Taamatut oqaluttuarisaanermi siullersaamik nassuiaassuteqartoqarnissaa iluarisimaarpara.

- Nassuiaanerup nalaani inuit ataasiakkaat misigisarsimasaanik eqqartuisoqalerpat taakku inatsisitigut ataataqannginnertik pissutaalluni inuttut misigissutsikkullu ajornartorsiutigisarsimasaat eqqarsaatissiisupilussuussapput, Lars Løkke Rasmussen taama oqarpoq inuillu pineqartut paasisaqarluarnissaanik kinguneqarnissaa kissaatiginerarlugu.

Inatsisit malillugit ataataqanngitsut inissisimanerisa ilorfaap tungaanut aallarnissaat naalakkersuisut pingaartittupilussuuaat, Justitsministeriaqarfiullu inatsisit malillugit ataataqanngitsut ataataasa kinaassusersiniarnissaanut periarfissarsiornissaat qaammatip massuma naannginnerani pinissaa naatsersuutigaara, taama ministeriuneq oqarpoq.

Ilisimatuut suliartik saqqummiunnialerpassuk Nuummi Katuami juunip 22-ni piumaarpoq, tamannalu tamanut ammasumik piumaarluni, taama tusagassiutinut nalunaarusiami allassimasoqarpoq.

Nassuiaat pdf-imi ilanngussimasatsinni aaneqarsinnaavoq, soorluttaaq nunatsinni Rigsombudeqarfimmi kiisalu Københavnimi Statsministeriaqarfimmi aamma aaneqarsinnaassasoq.