Skip to main content

Greenpeacermiut qalloqqipput

Greenpeacep qullersaa Cairnip uuliasiorfianut ullaaq qalloriarluni qilleriviup issittumit qimagunnissaa naalagaanut noqqaassutigisimavaa

Greenpeacep generalsekretæria, Kumi Naidoo ullaaq nal. 06.45 Leiv Eirikssonimut Nuup avataatungaaniittumut qallorpoq, qilleriviullu issittumit qimagunnissaanik piumasaqaat naalagaanut tunniullugu. Taama Greenpeace tusagassiutinut nalunaarusiaanni allassimapput.

- Uuliasiorfiup issittumit qimagunnissaanik noqqaajartorlunga maanna ikaalerpunga. Avatagiisimmi pillugit akersuunnerit pingaaruteqarnerpaat maanna iliuuserinialikkatsinnut akuulluinnarpoq. Tassami sikup nungukkiartuinnarneranik iluanninnersuaq akiorniarpara. Sikumi nungukkiartuinnartillugu uuliasiorfiutileqatigiippassuit issittumi qilleriartulernerinik kinguneqartussaavoq, massa piiarniagaat ullutsinni avatagiisinik aserorterinermi aallaaviussaqqaartoq, Kumi Naidoo Esperanzamiit ikaanngitsiarnermini taamatut oqarpoq.

Qillerivimmut ikaareermat Cairnip upalugaarsimanissamut pilersaarusiaanik tamanut saqqummiusseqqusissut inunnit 50.000-inik atsiorneqarsimasoq tunniussimavaa.

Cairnip qilleriviani sillimaniarneq peqqutigalugu killeqarfik qaangeqqusaanngitsumik Greenpeacermiut qaangeeqqissagaluarpata ullormut 50.000 euronik akiligassinneqarsinnaasunngorlugit hollandimi eqqartuussivimmi sapaatit akunnerani kingullermi aaliangiunneqarpoq.

Kumi Naidoo ullaaq qallormat pingajussaanik taamatut qallortoqarpoq. Maajip 29-ni avatagiisinik illersuiniaqatigiiffimmiut marluk puttasuliaaraq annanniut qillerivimmut amuariarlugu ikkivigaat ullunilu sisamani tassani issimasimallutik. Aappassaanik qallortoqarmat avatagiisinik illersuiniaqatigiiffimmiut 18-t issoraariarlutik sumut tamaanga qallorput qillerinerlu unitseriaraluarlugu.

Avatagiisinik illersuiniaqatigiiffimmiut tamarmik nunatsinniit anisinneqarsimalerput, kingulliillu 18-t ippassaq aallartinneqarsimallutik. Anisitalli taartissaqarsimammata ullaaq taamatut ikisoqaqqippoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER