Skip to main content

Qullersat sulisullu eqqakkanik katersueqatigiittut

Nuummi inuit 200-t ullumikkut saleersuaarput

Nuummiut 185-t 200-llu akornaniittut ullumi Saligaatsoq 2011 nal. 13-miit 16.00 tungaanut ingerlanneqarmat peqataapput. Tassa ulloq naarianngitsoq illoqarfik Nuuk qorsooqqinnerulerlunilu kusanarnerulissaaq.

- Saleeqataasut amerlanersaat suliffeqarfinni CSR Greenlandimi ilaasortaasuni sulisuupput, qullersaallutik piginnittuullutillu. Tamatuma saniatigut suliffeqarfiit allat pisussamut qaaqqusimavagut. Suliffeqarfinni sulisut saliinerisa nalaani suliffeqarfiisa akissarsiaqartissavaat, Mads Lumholt Grønlands Turist- og Erhvervsrådimeersoq taama oqaluttuarpoq.

Saleeqataasut naammatsippata nal. 16-miit 18.00 tungaanut Katuami kaffillerfigineqarumaarput. Tassani KNR-ip erinarsortartui "Qupannavaat" aliikkusersuiumaarput, kingornalu Sanaartornermi- Avatagiisinullu ataatsimiititaliami siulittaasup tullia Poul Hansen eqqakkat avatagiisillu pillugit aamma oqalugiarumaarluni.

- Aaqqissuussinerup siunissami ingerlateqqinnissaa naatsersuutigaarput, nunatsinnilu illoqarfinni nunaqarfinnilu taamatut pisoqarfiusanngittuni assiganik aaqqissuussisoqartalernissa neriuutigalutigu, Mads Lumholt taama oqarpoq.

Air Greenland, Grønlandsbanken, Royal Arctic Line, Kompetancekompagniet, Brugseni, Godthåb Transportservice, Ini, Kommuneqarfik Sermersuup immikkoortortaqarfii, Ittu.net, Greenland Tourism, Kalaallit Forsikring/IF, Nuuk Tourism, GA, Inuplan, GLV, TELE, KNR aamma Sermit peqataasunut akuupput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER