Politikerissaaleqineq pissutaalluni oqallinnissaraluaq unitsiinnarneqarpoq.
Tusagassiutit pillugit unnugu oqallinnissaraluaq politikerinik ilaasoqassannginnera pissutaalluni unitsiinnarneqarpoq
Annonse
Taama Tusagasiuinermi Sulisut Peqatigiiffianni siulittaasoq Mariia Simonsen paasissutissiivoq.
- Ukiassamulli misileeqqikkumaarpugut, oqarpoq.
Tusagassiusinermi atugarisassat qanorinnerinik nalunaajaat saqqummiunneqaqqammersoq pillugu, tusagassiutillu nukittunerulernissaanut inerisaanissap pisariaqassusaa pillugu partiit tusagassiuinermut oqaaseqartartui tamarmik Tusagasiuinermi Sulisut Peqatigiiffiata qaaqqusimagaluarpaat, oqallinnissarlu unnugu pingasunngornermi Nuummi Katuami pisussaagaluarluni.