Skip to main content

Dronningi uterteqqiinnarneqarpoq

Allakkeriviit Dronning Margrethe assilillugu frimærkiliaat marluk utertiinnarneqarput

Maajip 9-ni Allakkeriviit frimærkit marluk - G464 aamma G465 saqqummersippaat. Frimærkitaallumi Dronning Margrethep kiinaata ilaarneqarnera assiliartaraat.

- Frimærkit saqqummersinneqareersullu pitsaassuseq Allakkeriviit naliginnaasumik atugarisartagaa uniorneqarsimasoq paasineqarpoq, naak saqqummersinneqannginnerini pitsaassusissaralua nakkutigilluarneqarsimagaluartoq, Allakkeriviit taama paasissutissiipput.

Pitsaassusissaa uniorneqarsimasoq paasineqareermat frimærkit taakku marluk nunatsinni allakkerivinni tunisaasarneri unitsinneqarput. Tuniniaanermik unittitsineq maajip 26-ani pivoq.

- Taakku frimærkit taarserlugit frimærkit taakkorpiaat pitsaassusissavik Allakkeriviit akuerisaat atorlugu naqiterneqaqqittussanngorput.

- Frimærkit taakku marluk qaqutigoortutut pilerineqartutullu katersisartunut Allakkerivinniit pilliutigineqassasorinngilara. Tassami frimærkinik katersisartut nunarsuatsinni tamaneersut Allakkeriviit frimærkiliaanik nutaanik saqqummiusisoqarmat pisarnertut nassiussarsereersimammata.
Tassa nutaanik naqiterinialernerup frimærkit pitsaassusaata qaffasinnerpaamik Allakkeriviit piumasaqarnerat tunuliaqutaaginnarpoq. Allakkeriviit tusagassiutinut nalunaarusiaanni taama allassimapput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER