Skip to main content

Nuuk akikinnerpaavoq

Issittumi sakkutooqarfik Nuummut nuunneqartuuppat ukiumut 50 million koruunit missai sipaarneqarsinnaalissagaluarput

Aningaasaqarniarnerinnaq isigaanni taava Issittumi Sakkutooqarfissaq Kangilinnguaniit Nuummut nuuttariaqassaaq.

Taama danskit illersornissamut ministeriaqarfiata Issittumi Sakkutooqarfissaq pillugu nalunaarusiaanni allassimasoqarpoq. Issittumi Sakkutooqarfissap sumiissinnaaneranik misissueqqissaarnerit naammassineqareersullu nalunaarusiaq saqqummiunneqarpoq.

- Sakkutooqarfissaq Nuummut inissinneqartuuppat ukiumut 49-niit 52 million koruuninik sipaarutaasinnaasut naatsersuinerit takutippaat, Narsarsuarmullu inissinneqassangaluarpat 43 million koruunit missaat sipaarutaassangaluarput, Kangilinnguaniiginnassangaluarpallu 11 million koruunit sipaarutaassangaluarlutik.

- Sakkutooqarfissamut aningaasaliissutit ukiut tallimat qaangiunnerini aatsaat utertikkiaartuarneqarsinnaasut naatsersuutit takutissimavaat, sakkutooqarfissarlu Nuummut Narsarsuarmulluunniit inissinneqassangaluarpat aningaasartuutinut sipaaruteqarfiunerpaajussangaluarput. Tassa ukiumut sipaarutaasartoq 32 millioniniit 41 millioninut annertussuseqassasoq nalunaarusiami atuarneqarsinnaavoq.

Aamma atugassarititaasut allat nalunaarusiami tikkuartorneqarsimapput. Assersuutigalugu qullersaqarfissaq ingerlalerpat Nuuk periarfissagissaarnerpaassaaq, Kangilinnguaniiginnassappallu "inerisarneqarujussuaqqaartariaqassalluni".

Sakkutooqarfissarli sorlermut inissinneqarnissaa pitsaanerpaajussanersoq illersornissamut ministeriaqarfiup nalunaarusiaani takussaanngilaq, ukiarumi politikerit tamanna aaliangertussaammassuk.

Sermitsiaq.AG-mi ullaap tungaa Issittumi Sakkutooqarfik Kangilinnguaniiginnassappat akikinnerpaajunerarsimagatsigu utoqqatsissutigaarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER