Nuussuarmi sikup sinaavanut aamma usigiartoqarpoq

Pajuttaat siku peqqutaalluni nunaqarfimmut apuusinnaanngimmat ippassaq unnukkut sikup sinaavanut usigiaqqittariaqarsimavoq.

Nuussuup tungaanut siku aserortereerlutigulu nunaqarfimmut miilit marluk affarlu amigaatigiinnalerlutigit uniinnariarluta sikumut usigiaannartariaqarsimavugut, taama Pajuttaammi inuttaasoq oqaluttuarpoq.

Unnuaq nal. 0230 Pajuttaat Nuussuarmiit aallarpoq, ullumilu nal. 12-nut Innaarsunnut apuutissangatinneqarluni. Tassanngaanniit Nuugaatsiap tungaanut Pajuttaat ingerlaqqikkumaarpoq, aqagulu pingasunngornermi nioqqutissanik nunaqarfimmut usigiariarluni Aasiannut ingerlaassangatinneqarluni.