Skip to main content

Qaartiterutitoqqat

Qaartiterutissiaq qanittumi Narsami nassaarineqartoq piginnittussarsineqarsinnaasimanngilaq

Qaartiterutissiat 10 kg. missaaniittut Narsami juunip 5-ni nassaarineqartut ukiunik 40-50-nik pisoqaassuseqartut paasineqarsimavoq. Taamaammat kina piginnittuusimanersoq paasineqarsinnasimanngilaq. Taama Bent Ole Kleist Narsami politiineersoq ullumi oqarpoq.

Qaartiterutissiat 10 kg. missaaniittut sapaatiummat Narsami nassaarineqareermata suminngaanneersimasinnaaneri politiit paasiniarsimavaat.

- Qaartiterutissiat nassaarineqarmata ajutoortoqaqqunagu inimut isumannaallisakkamut inisseqqaarneqarsimapput, taama Bent Ole Kleist paasissutissiivoq.

- Qaartiterutissiat qaartartulerinermik ilinniarsimasoq peqatigalugu aallaqqaammut misissorneqarpoq. Tassani qaartiterutissiaq suli masattorujussuusoq paasineqarpoq qaartiterutissallu ulorianartortaa tamavimmi aniasimalluni. Taamaammat qaarsinnaajunnaarsimapput, taama Bent Ole Kleist oqarpoq.

Qaartiterutissiani paasissutissat ukiorpassuarni silamiissimariarmata tamarmik ersigunnaarsimapput. Tassalu kina piginnittuunersoq paasineqarsinnaasimanani. Qaartiterutissialli sananeqaataat qimerlooraanni 1960-ikkut 70-ikkullu missaaneersimassapput.

Qaartiterutissiat nassaarineqartut qaartartulerinermik ilinniarsimasoq peqatigalugu isumannanngitsumik aserorterneqarumaarput, taama Bent Ole Kleist naggasiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER