Skip to main content

Nioqqutissanik amigaateqarneq

Nioqqutissanik pilersuinermi ajornartorsiutit Inuit Ataqatigiit akuersaarsinnaanngilaat

- Kullorsuarmi sinerissamiluunniit sumiiffinni sumiluunniit inuussutissaqarniarnikkut innuttaasut naamanngitsumik atugassaqartinneqarnerat Inuit Ataqatigiit akuersaarsinnaanngilaat, taama inatsisartuni ilaasortaq IA-meersoq Olga P. Berthelsen  oqarpoq nangillunilu: - Eqqaasissutigerusuppara pissutsit taama ittut, ajoraluartumik sinerissami allami aamma takussaamata. Sapaatit akunnerat kingulleq Tasiilamut, nunaqarfiinullu marlunnut angalaaqqammerpunga. Tasiilami innuttaasut 3.000 missaanik najugaqarfiusumi , inuussutissat ulluinnarnilu atugassat pinngitsoorneqarsinnaanngitsut aamma nungoralersimapput. Taamatut ittoqarneranut annertunerpaamik peqqutaasoq tassaavoq pinngortitarsuup piumasaanik sikup ajornartorsiutaanera. Tassa Olga P. Berthelsen, Siumut siulittaasuat, Atuisartullu siunnersuisuisa siulittaasua tamarmik assigiimmik oqariartuuteqarput: Nioqqutissaqarniarnermi pissutsit akuersaarneqarsinnaanngillat.

- Ajornartorsiut ukiut tamarluinnaasa misigujuagarput qaangerneqartariaqarpoq, taama Olga P. Berthelsen naqissusiivoq.

- Ajornartorsiutip uteqqiajuaannartup aallaavia nassaaripallattariaqarparput, taama IA-meersoq oqarpoq avinngarusimasunullu nioqqutissanik pajuttuinermut nunatta karsianit tapiissutaasartut annikippallaarsoralugit.

- Ajornartorsiutinut aallaavik alla tassaasinnaavoq nioqqutissanut toqqorsivissaaleqineq. Aamma imaasinnaavoq nioqqutissanik ikippallaartunik inniminniisoqartarsimasoq, taama Olga P. Berthelsen isummersorpoq.

- Nioqqutissanik inniminneeriaaseq allaanerusoq pitsaanerusorlu atorneqalersinnaava? Nioqqutissat pinngitsoorneqarsinnaanngitsut ikippallaat inniminneerneqartarpat? Avinngarusimasuni pilersuinissamut akisussaasut pikkorissarneqartariaqarpat? Taama ilaatigut Olga P. Berthelsen aperivoq.

- Apeqqutit taama ittut qulaajarneqartariaqarsoraakka. Pissutsimmi taamaattut ukiut tamaasa uteqqiajuartut tuaviornerpaamik iluarsineqarnissai Inuit Ataqatigiinniit kissaatigaarput, taama Olga P. Berthelsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER