Saliineq 2011
Arfininngornerni tullinnguuttuni Inissiaatileqatigiiffik INI immikkoortortaqarfinnilu siulersuisut aaqqissuussaanik Saliineq 2011 ingerlanneqarumaarpoq. Qasigiannguarmiut aqagu juunip 11-ni saleerratissapput.
Aasaq nalliutiinnaqaaq, aputaaruteriarmallu ineqarfiit akornanni eqqakkat angisuut mikisullu sumi tamaani takussaalerput. Taamaammat ineqartut ikiortiseralugit ataatsimoorluni eqqakkanik katersinissamut aggersaavugut. Ileqquusoq malillugu ineqartut siulersuisuinit eqqugassatinneqartussaq tassaavoq qaammammut ataatsimut ineqarnermut akiliut. Saliinissaq INI-mit tapersorneqarluni sulisunik atortussanillu isumaginnikkumaarpoq.
Immikkoortortaqarfinni tamani eqqorneqarsinnaasoq tassaavoq qaammammik ataatsimut ineqarnermut akiliut, pinnataqarniaraanni INI-p inissiaataani najugaqartuusariaqarpoq.
Saliineq 2011-mi juunip 18-ani illoqarfinni ukunani pissaaq:
Nanortalik
Narsaq
Qaqortoq
Nuuk
Maniitsoq
Sisimiut
Aasiaat
Illoqarfiit Qasigiannguit, Ilulissat Uummannarlu ulluni allani saliineq ingerlanneqarumaarpoq.
Qasigiannguani arfininngornermi juunip 11-at.
Ilulissani ulluni assigiinngitsuni saliineq ingerlanneqarumaarpoq.
Uummannami ineqartut Kommune peqatigalugu saleeqatigiikkumaarput, saliinissarli suli ullulerneqanngilaq.
Illoqarfiit taaneqanngitsut innuttaasa saliineq namminneerlutik ingerlatereersimanngippassuk kommuniisa saliineq ingerlatereersimassavaat.