Skip to main content

TV-kkut kanalit nutaat sorliussanersut nalornissutigineqarpoq

Nuuk tv-p aningaasartuutinut ukiumoortumik nalunaarusiaa malillugu 1,6 million koruuninik sinneqartoorutai kanalinut nutaanut atorneqassapput. Kanalilli sorliit eqqartorneqarnersut iluamik takuneqarsinnaanngilaq 

Peqatigiiffiup tusagassiutinut nalunaarusiaani siorna 1.6 million koruuninik sinneqartooruteqarsimaneq takuneqarsinnaavoq imalu aamma allassimasoqarluni: "Aningaasat peqatigiiffiup ingerlaannarnissaanut qulakkeerinnissaanut atorneqassapput".

Aammali nassitsissut nutaaq, tassungalu atatillugu kanalit nutaat pisiarinialikkersaarneqartut aamma peqatigiiffiup pilersarutigigaa atuarneqarsinnaavoq. Tassa peqatigiiffimmi ilaasortat kanalinik nutaanik aasap ingerlanerani peqalernissaat naatsersuutigissavaat. Kanalilli sorliit tassani eqqartorneqarnersut takujuminaappoq.
Peqatigiiffiup teknikkikkut ingerlatsinermut ittuat kanalit sorliit eqqartorneqarnersut ilisimatinneqarsimanngilaq, peqatigiiffimmilu siulersuisuni siulittaasunngorlaamut innersuussilluni.

- Pisortap suna tamavimmi aqutarigaa. Kanalilli ilaasa ersarissarneqarnissaanut aningaasat ilaasa atorneqarnissaat oqaatigisinnaavara. Ullumikkummi nuissiinnartugullu kanalit ilai erseqqarlussisarmata, Orla Dalager oqarpoq.
Peqatigiiffiup pisortaa sulinngiffeqaatigaluni suliaminut atatillugu angalaarmat attaveqarfigisinnaasimanngilarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER