Skip to main content

Inuttaasut Nuummi paarlaapput

Alapernaarsuummi "Vædderen"-mi siullermeerutaasumik inuttaminik paarlaassineq Nuummi ullumi pivoq

"Vædderen"-ip inuttai Reykjavikimi martsip 17-ianili ikimmata aatsaat taarserneqartussanngorput.

- Inuttat paarlaattarnerat sapaatit akunnerit qulikkaarlugit naliginnarmik pisarpoq, siornatigullu Reykjavikimi, Narsarsuarmi, Kangerlussuarmi, Thule Air Base-milu pisareersimalluni. Tassa Nuummi inuttat paarlaannissaat siullerpaajussaaq, taama Nunatsinni Sakkutooqarfik Grønlands Kommando tusagassiutinut nalunaarummini allappoq.

Inuttat paarlaassisussat ullumi junip 1-ni timissartumut C-130 Hercules-imut ilaallutik Nuummut tikissapput, inuttallu niusussat sisamanngornermi junip 2-ni aallassallutik.

- Sakkutuunngorniat ilinniartitaaneranut atatillugu alapernaarsuut "Vædderen" sakkutuunngornianik 15-nik issimasoqarsimavoq, taakkulu tamarmik sakkutuutut imarsiortutut inuuneq taamaalillutik misilippaat. Sakkutuunngorniat timmisartumut Herculesimut ilaallutik aqagu angerlarumaarput. Inuttallumi paarlaassisussat aamma sakkutuunngornianik ilaqarumaarput, taakkulu tamarmik Kalaallit nunaata imartaani peqqarniissinnaasuni alapernaarsuumi atugarisassat, unamminartuilu misilikkumaarpaat, taama Nunatsinni Sakkutooqarfik allappoq.

Nunatta Sakkutooqarfiata - Grønlands Kommandop - nunatta killeqarfiinik illersuineq, imartatsinnik nakkutilliineq, pisassanik nakkutilliineq kiisalu ujaasinerit annaassiniarnerillu ingerlattarpai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER