Arnat nutaamik attaveqarfeqatigiittarfittaarput
Arnat arlallit suliniutigereerlugu aqutsisut attaveqatigiittarfiat nutaaq "Tamatta akuusa" pilersippaat
- Arnat amerlanerujartuinnartut pikkorilluarlutik suliffeqarfinni tamani qullersanngoriartunngikkunik qullersaalereerput. Arnalli qullersaqarfinniittut suli ikinnerussuteqartuarsinnarput, taamaammat attaveqatigiiffiup arnat ataatsimoortinniarpaat, taamaasillutik oqallittarfimmik pilersitsisoqassalluni, tassani imminnut isumassarsiorfigiqatigiittassapput, isumasioqatigiittassallutik, kaammattuisassallutik, ilikkarsimasanik misigisimasanillu imminnut tunniussueqatigiittassallutik, taama tusagassiutinut nalunaarusiaanni allassimasoqarpoq.
Suliffeqarfiit- aqutsisoqarfiillu arnanut attaveqartarfissaq "Tamatta akuusa"-mik taaguuserneqarsimavoq. Attaveqartarfissallumi anguniagaa tassaavoq aqutsisoqarnermi assigiinngiiaarnissaq.
- Attaveqartarfittaassami assigiinngiiarnissamik anguniagaqarnermi suiaassuseq, qanoq utoqqaatigineq, sumiuunersorluunniit apeqqutaatinneqanngilaq. Tassami suliffeqarfissuit inuiaqatigiinnut iluaqutaasumik ineriartortinneqarnissaat attaveqartarfittaassap anguniagaanut ilaavoq, taamaammat aqutseriaatsini iliuutsit ataatsimiinnerni sammineqarnerusassapput.
Attaveqartarfittaassamik suliniuteqartut tassaapput: Tine Pars, Inga Dora G. Markussen, Anne Mette Christiansen, Inaluk Brandt, Ivalo Egede, Aaja Chemnitz Larsen, Aviâja Lyberth Lennert aamma Julia Pars.