Skip to main content

Greenpeacermiut Cairnip qullersaqarfia assersulerpaat

Greenpeacermiut nanuusaliaq atorlugu Cairn Energyp qullersaqarfia Edinburgimiittoq assersulersimavaat

Cairn uuliasiortuni kisiartaalluni issittumi nutaanik qillerisussanngormat issittumi avatagiisit ajortumeeriaannaaqisut innarleqqunagit avatagiisinik illersuiniaqatigiit piumasaqaateqarput.

Taamaammat Skotlandimiut uuliasiorfioqatigiivisa qullersaqarfiat Edinburgimiittoq Greenpeacermiut assersuinerat pissusissamisuuginnarsoraat. Isaarissamillumi assersuutaat tassaavoq nanuusaliaq.

Avatagiisinik illersuiniaqatigiiffimmiut nanuusaliarlu atorlugit akerliussutsimik takutitsissaqqaartut Greenpeacep umiarsuaa "Esperanza" nunatsinni Cairnikkormiunik nakkutilliivoq. "Esperanza" sisamanngorpat Nuup avataanut tikissaaq, umiarsuarmi qillerissutaasartoq Leiv Eiriksson atortussanik inuttassanillu aallerluni aamma Nuummut tikittussaammat.

Issittumi uuliasiornerit ulorianarluinnartuupput, tuluillu naalakkersuisuinut nalunaarusiat atuaraanni taava ima allassimasoqarpoq: "Uuliasiornerit teknikkikkut killissaaniipput pilersuinissamullu periarfissat aamma killeqarlutik". Tassa akuerineqarsinnaanngerluinnarpoq, nalunaarusiarlu Cairnip ittorisaasa isiginngitsuusaaginnarsinnaajunnaarpaat, taama Jon Burgwald Greenpeacemeersoq oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER