Skip to main content

Arsakut, silallu pissusaa ajornartorsiortitsipput

Naak Grimsvötn innermik anitsiunnaareeraluartoq nunatta Islandillu silaannartaani suli arsakoqarpoq

Arsakut siammaanneranik nutaarsiassat allanngoraannaavipput.

- Sisamanngornermi nunatta iluani timmisartuussinissat, tallimanngornermilu atlantiku qulaallugu timmisartuussinissat qanorissanersut qulakkeerlugu oqaatigiuminaappoq. Nuup mittarfia kisimi ammavoq, tassuugumi Kangerlussuup mittarfia matussamaarneqarpoq, taama Air Greenland sisamanngornermi ualigaa nalunaaruteqarpoq.

Taamaammat timmisartuusivik qanoq pisoqassanersoq utaqqeqqaarallartariaqassavaa.

- Massakkorpiaq nunatta qeqqani avannaanilu silaannaq timmisartorfioqqusaanngilaq. Tamatuma saniatigut kujataanut utimullu timmisartuussinissaralui silarlunnera peqqutaalluni unitsiinnarneqarsimapput.

- Tassa nunatsinni massakkorpiaq pisut sukkasoorujussuarmik allanngulertortarput. Taamaammat qanoq pisoqassanersoq utaqqiinnartariaqassavarput angallassinissatsinnullu pilersaarutit pisut aallaavigalugit nutartertariaqassallutigit. Ilaasussatsinnut pisut puullaaqinarsinnaanerat soorunami ilisimalluarparput, taamaammallu angallassinissavut sapinngisarput tamaat iluarsiniarsariumaarpavut.

- Ilimasaarutit tiguinnavikkaangatsigit angallassinissamut pilersaarutivut suliarilersarpavut, avammullu ingerlaannaq tusarliuttarlutigit, taama Christian Keldsen Air Greenlandimi tuniniaanermi pisortaasoq oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER